Saturday 1 September 2012

أنا بانتهي في منابع النار و النعيم
و بابتدي ف الطين
الصبر بعده قبول
و أنا مهما هاصبر
عمري بكره ما انول
سايل نزيف الروح بنغمة متعادة
و أنا مش هاخوض في سكة الشاردين
ولا هاقبل إن اشتياقي يتقلب عادة
قلبي شِبع م الليل
مابقاش يشوف من اليفط النيون
غير سحرها الزايل
داير يفتش في حواري الحي
عن بنت بجدايل
في قصة تايهة من حواديت النهار
أنا نبض حي
إزاي يعيش في النار ؟!