Wednesday 1 January 2014

اسكندرية
في غفلة مني
سحبت روحي و بلعتها
و من ساعتها
لون الحياة مخطوف
اسكندرية
لو كانت وصلت للمينا
قبل سفن الاحتلال
ماكانتش هتستنى تسهّيني
و تدهن اليفط دوكو
و تمسح أسامي الشوارع
و تأمّن الطريق للظروف
الجرح نافذ و دمي متصفي
و أنا لسه باعدل في ياقة القميص
و رافض أكشفلها ضعفي
تايهة الحقيقة في جريمتي
فين الحروف من كلامي؟
اسكندرية
سحبت روحي و بلعتها
و من ساعتها
و أنا مش شايف قدامي