Wednesday, 8 July 2009

الغربـــة


الغربـــــــة فرصـة منـاسبة للتفكيـــر و فهم الـذات
هأقعد لوحـدي براحتـي و أقـدر أراجــع الحسابـات
أهو أي كلام و خلاص بأقوله لنفسي .. ضحك عليها
يمكـن بتأثيـــره تقــدر تتحمــل وحشــة الأوقـــات

28 comments:

Appy said...

نيجرو كده تسافر من غير ما تسلم عليا انا مخصماك ويارب وانت قاعد مع نفسك تضربك وتعضك

سبهللة said...

نيجرو
ومين قالك انك فى غربة
انت فى بلد بتتكلم نفس لغتك وتدين بنفس دينك
وان شاء الله مش هاتحس بغربة هناك
وربنا يرزقك الصحبة الصالحة
اما ل بقى لو زى ناس اعرفهم عايشين فى لندن
هى دى الغربة بجد
تعرف
انا عشت سنة فى الرياض
لم اشعر بالغربة ابدا
وحاولت استمتع بوقتى على قد ما اقدر
خد بالك
الوحدة اللى انت فيها حاليا حاول تستغلها فى القرب من الله
هاتتبسط اوى
انا حفظت جزء قران كامل لوحدى فى أسبوع وانا فى الرياض ومازلت حافظاه
ولولا الاولاد
كان زمانى حفظت اكتر من كدة
ربنا يوقفك
وياريت تشوف فى سفرك الجزء المليان من الكوب
وبلاش إكتئاب
تحياتى لك وبالتوفيق ان شاء الله

ňįĝŗő said...

Appy
معلش بقى يا آبي
الموضوع جه كده في السوكونّن و مالحقتش أبلغ ناس كتيييييير قوي
و بعدين انت بتدعي عليا بإيه ؟؟!!
ده انا نفسي من غير ايوتها حاجة بتديني ولا مؤاخذة بالشوز في لحظات انفرادنا ببعضيتنا
سلام


سبهللة
يا رانيا هانم البلد اللي أنا قاعد فيها دي عدد مواطنيها 750 ألف و عدد الوافدين 7.5 مليون .. منهم 5 مليون هندي
يعني أنا قاعد زي ما بيقول الناس هنا في الإمارات الهندية المتحدة
و 80 % من تعاملاتي مع ناس لا بتتكلم لغتي ولا تدين بديني
ده بالإضافة للمعاملة السيئة اللي ماجتش من الغريب و جت من ولاد بلدي المصريين
ده بالإضافة إن الموقع اللي أنا ماسكه يبعد 80 كم عن اقرب عمران
و على فكرة أنا راضي تماما و ماقلتش حاجة
و بأعتبر الموضوع كورس تدريبي على معاملة البشر من كل نوع
و أهي كلها خبرات

منورة يا رانيا هانم

سلام

مهندس مصري said...

أيوه يا بني
إحترس ثم إحترس من المصريين في الخارج و ما تديش ثقتك لحد غير بعد ما تختبره و تطمئن له

ربنا يعينك و يعيننا كلنا في غربتنا

ňįĝŗő said...

مهندس مصري
حاجة تضايق و الله يا هندسة
إن الندالة ما تطلعش غير من ولاد بلدك
ده المفروض إننا نبقى قلبنا على قلب بعض
إنما أقول إيه ؟
حسبي الله و نعم الوكيل
ربنا يعيننا كلنا

سلام

لماضة said...

تروح وترجع بالف سلامه يا جدع انت
مع اني زعلانه منك والله على السفريه المفاجاة دي
ربنا يارب يرزقك ويكرمك ويهونها عليك وتردلنا سالم غانم
قول امين

بت خيخة وأي كلام said...

وحشتني ياواد انت يا صغنوني

وش واحدة مكلضمة

فاتيما said...

يا واد متقلقش و لا يهمك حاجة
الحاجات اللى إنتا حاسسها دى
يا نيجرو تعتبر من ادبيات الغربة
الحنين لكل ما بعدت عنه
و الإحساس بالوحشة و الوحدة
و بعض الضياع وسط الناس
و التوجس من بنى بلدك
لأن حركاتهم مش زى المتوقع
كل دا وارد و بيحصل
و إسمع نصيحة أخوك محمد مهندس مصرى عشان دى وصفة مجربة
و فعلاً للأسف ولاد البلد برا حاجة تكسف
بدل ما يتكاتفوا بياكلوا ف بعض
و مش عارفة ليه مع إن كل واحد رزقه مقسومله مهما عمل و سوى
و اللى يغيظك إن فيه جنسيات أخرى بيجيبوا بعض و يشغلوا بعض و مفيش أى حاجة يعنى ..
خليك فى شغلك
و ركز فيه
و إن شاء الله الاجازة الجاية
تيجى و تسافر و انت معاك بنت الحلال اللى تونسك
و تجيبلك نيجروين و نيجروات
صغننين كدا
خلى بالك من نفسك و من صحتك
يا أبو قلب دهب

ňįĝŗő said...

لماضة
يا دكترة لا تزعلي
هي فعلا السفرية زي مانت قلتي كده جت إذ فأجتن
يا رب يا رب يا رب يستجيب لدعواتك دي يا مروة
تسلمي يا دكتورة

سلام



بت خيخة و أي كلام
انت وحشتيني أكتر و الله يا نونا
بس أقولك على حاجة كمان
انت وحشتي المكان هنا كتييييييييييير قوي
دعواتك يا حبيبتي

سلام



فاتيما
و الله يا طمطم أنا أزعم إني مرن و بأعرف - بفضل الله - أتكيف كويس مع الأوضاع اللي باتوضع فيها
بس اللي بيحصل هنا ده و الله شيء يدعو للأسف و الإستياء
بس يلا .. الله المعين
حلوة نجروين و نجروات دي يا طمطم
و بعدين سنة جاية إيه بس اللي تبقى معايا فيها بنت الحلال
يااااااااه ده انت متفائلة قوي والله يا أختي
لسه بااااااااادري على الموضوع ده يا طمطوم
يدينا و يديكِ طولة العمر إن شاء الله

سلام

Doba said...

من ساعة معرفت انك سافرت وكل لما اجى اكتبلك حاجة برجع ف كلامى ومش عارفة ليه

بشوف تعليقاتك وبقول كويس انه بخير وعال العال لانى لاحظت انك بقيت بتعلق عن ناس وبتتابع المدونين من تانى وبقول لعله خير

عجبنى انك واخد الموضوع احتكاك وخبرة ف فن التعامل مع البشر وحاول دايما تركز ف المقولة بتاعت

عجبت لأمر المرء أمره كله خير فإن أصابه خير حمد وشكر فكان خيراً له وان أصابه شراً صبر وأحتسب فكان خيراً له

خلى الحاجت الصعبة والوحشة تقويك وتتعلم منها وتثقلك بخبراتها

الغربة صعبة ورخمة بس بالقرب من ربك زى مقالت رانيا ربنا هيكرمك وهيفتح عليك عوض الحاجات اللى فاتتك فى عبادات ربنا

اشكرك لتذكرك يوم ميلادى وكل سنة ووالدتك وبخير وصحة وعافية ودايما مستخبى ف حضنها حتى وانت بعيد

ربنا يفتحها عليك يا نيجرو ويرزقك من وسع ويرزقك بالزوجة الصالحة ومنها الذرية اللى تفرح القلب

لك منى كل أمنياتى بكل الخير والفرح والسعادة وربنا يعمى عيون الناس الوحشة عنك

هبة

شقاوة مراهقة said...

اسيك يا اطيب نيجروووو فـ الدنياااااا ..

عامل ايه يا بشمهندس ..

وايه اخبار الغربه معاك ..

انا جايه اسلم واطمن عليك .. وارغي كمان شويه :D:D:D

مصر بتقولك وحشتها اوي .. ومستنياك حتى لو طال الانتظار ..

وبتقولك شد حيلك واجمد كده ..

وان شاء الله السنه دي تعدي بسرعه عشان مصر محتاجه نورك ..

ومصر بتقولك هاتلي معاك توابل الهنود اللي بيحطوها فـ الاكل معاك هههههههههه..

ايه !!.. بهزر معاك يا جدع ..

اضحك كده وروق ..

واحنا كلنا معاك بقلوبنا ..

اصل انا اكتر واحده عارف احساس الغربه ده ..

وحش اوووووووووي .. واوحش لما تكون سوط اهلك وبردو الاحساس ده بتحسه بينهم ..

طبحا انت مالكش اي علاقه باللي بقوله ده ..

بس والله اتاكد ان احنا معاك ..

وفعلا خد بالك اوي اوي اوي اوي من اي حد مصري هناك ..

اصل انا كان معايا واحده مصريه فـ الفصل بتاعي ومازلت معايا يعني لحد السنه الجايه ..

ووبتحقد عليا جداااااااااااااااااا ..

اكمن اختك محبوبه من الجميع يعني ههههههههه

لا بجد اصل احنا مختلفين عن بعض فــ كل حاااااااااجه .. وانا من النوع الدحيح اه بس بهزر وبلعب وبتجنن ساعات كتير وعادي يعني ..هيا هناك عامله تشويه لصورة المصريين بشكل عاااام ..

انا بسميها عااااار على مصر للاسف ..

تعامل .. واخلاق..

وحقد مش طبيعي ع اي حد يجيب درجه كويسه او يجيب اعلى منها ..

والمصيبه السوده المقلمة بكحلي ان الحقد ده بيتركز عليا اكمن احنا مصريين زي بعض ولينا تنسيق خاص بينا ..

وهيا بتفكر ان انا هاخد مكانها المستحق في كلية الطب ..

وانا نفسي اروح اقولها يابنتي والله العظيم انا مش ناويه ادخل طب او اي كليه من كليات الكهربا دي ..

نفسي بجد تبطل تحط عينها عليا ..

انا بجد مش بتمنالها حاجه وحشه .. بالعكس نفسي كل الناس وخصوصا هيا تجيب درجات كويسه .. بس تحل عن نفوخي بقى ..

الموهم يعني تاخد بالك ومش تثق فـ اي حد بسرعه عموما ..

ايون اسمع كلام اختك الصغننه .. خلاص انا بقى ليا حقوق عليك هههههههه..


انا رغيت كتير ولا لسه شويه ههههههه..

عموما انا جيت اسليك شويه فـ غربتك ..

وكلامتك جاااامده جدا بجد وفـ الجون ..

وانا متابعاك من زمان جدا عـ فكرة من قبل ما اعمل مدونة رسمي ..

وطمنا عليك كل شويه كده ..

خد بالك من نفسك يا هندسه ..

اقول سلاموكا بقى ولا ايه ههههههه..

اتمنالك كل التوووووفيق ..

سلاموكاااا..

زهرة الكاميليا said...

يا ترى لحقتك أسلم عليك ولا لأ؟؟؟

سلام وأمان يظللان سماءك أينما تكون يا نيجرو

فى حفظ الله ورعايته يارب



(f)

ňįĝŗő said...

Doba
عارفة يا هبة
هنا .. مفيش أهل .. مفيش أصحاب .. مفيش حد أفضفض معاه
أسرتي التانية اللي اتكونت - بفضل الله - من مجموعة من المدونين .. اللي كل ما أراجعهم قدام عقلي و قلبي و عيني .. أغبط نفسي و احمد ربنا إن اتعرفت بالعقليات و القلوب دي
أسرتي التانية دورها وضح قوي دلوقت
لو تلاحظي إن بقالي كتير قوي ما ردتش على تعليقات
أوقات كنت بأكتفي بالآراء و أناقشها بيني و بين نفسي
و أوقات ماكنتش بألاقي كلام أرد بيه
و اوقات أكتر ماكنتش بألاقي وقت
دلوقت الرغبة في الكلام اتفجرت
دلوقت بقيت محتاج الكلام مع حد اعرفه و أثق فيه .. و آخد و أدّي معاه
دلوقت رجعت أعلق و أرد
كلامك على الراس و العين
و عيب لما تشكريني على إني افتكرت عيد ميلاد أختي

ربنا يسمع منك و يستجيب ياااااا رب

سلام


شقاوة مراهقة
مبدئياً كده تعليقك ضرب كل الأرقام القياسية و دخل موسوعة أطول التعليقات من بابها و من وسع
بس ماتعرفيش تعليقك ده كان تأثيره إيه عليا
رغم إن ده أول تعليق ليكِ هنا .. و ماعرفش إذا كانت دي أول زيارة ولا لأ
بس بجد بجد تعليقك ده جه و عملي انفراجه نفسية ترويحية كبيرة قوي في وقت عوزة
أشكرك
بجد أشكرك

سؤال على جنب
ليه كل جملة بتكتبيها بتنهيها بنقطتين ؟


أهلا بيكِ هنا
مدموازيل مراهقة


سلام


كاميليا
اسمك بس
بقى مفتاح باب غرفة في القلب
اسمها الراحة

(f)


سلام

زهرة الكاميليا said...

سلام الله عليك يا حاج نيجرو ..

ههههه


أنا جيت أقولك كل عام وأنت الى الله أقرب بمناسبة ذكرى الإسراء والمعراج ..
وأدعو أن يبلغنا ربنا رمضان وفضله .. اللهم آمين.


ربى يحفظ أخى

شقاوة مراهقة said...

نيجروووووووو

بتقول اطول تعليق ..

احب اقولك انت لسه ما شوفتش حاااااااااجه .. دي لعبتي يا باباااااا :d:d:d

وبذمتك ده سؤال يتسأل ..

لا طبحا دي مش اول زياااااارة ..

انا متااابعه قديمه قوووووووي ..

بس اما ربنا كرمني وخدت المعاش .. قصدي وعملت مدونة رسمي ..:D:D

قد كاااااان اللي فات ده اول تعليق .. واكيد مش الاخير

وبعدين انت هتغلط ولا ايه وتقول اشكرك وبتاع .. مايمشيش معايا الكلاااام ده نوهاائي ..

هما الاخوات بينهم شكر بردك ..

المرة الجايه هشدك من ودانك لو قلت اشكرك ولا معلش والكلام العجيب ده ..:D:D:D

وشيء يزقططني اكتر اوي اني اكون سبب فـ الانفراجه دي ..

بس انا مش عايزه يكون فـ ضيقه من اساسه .. ينفع ولا ايه !!

قول ياااااااارب يانيجرو وهتلاقيه معاك دايما ..

وبالنوسبه للسؤال يا لمّاح انت ..

بصراحه موش عارف ..

طب ليه انا اما يكون عندي امتحان لازم احله كله بالرصاص الاول .. وبعدين بالحبر .. !!

تفتكر دي عدم ثقه بالنفس ..

موش عارف بصراحه ..

ودوري بقى انا اسالك ..

انت اسمك نيجرو ليه !!

عشان اسمك الحقيقي محمد النجار ..
فـ نيجرو دي دلع النجار ..

منطق بردو

:d:d:d

ليك عندي واحد لبان سحري لو عرفت الاجوبه :d:d:d

ولا شيبسي شطة وليمون عشان الطعم ده موجود اكيد فـ الامارات :d:d:D


ممممممممممممم..

مش لاقيه رغي تاني اقوله ..
بس هو انا ينفع اجي هنا كتير ولا هيا مرة واحده لكل بوست ..

والرد مقدما لا طبحا البيت بيتك (( بدبسك اهو :D يا مزمازيل مراهقة..(( الكلمة اللي بتكتبيها بجد هموت وانطقها .. اجيبها يمين شمال موش عارفه اتهجاها .. ف مشيها مزمازيل اسهل :D:D ))

εïзأنا التيεïз said...

ممكن !..
بس إحساس سيء جدا وشعور بالوحده والروتين الممل

ňįĝŗő said...

كاميليا
كل سنة و انت طيبة يا حاجة كاميليا
تصدقي لايقة
عقبال ماتبقى على مسمى يا رب
رغم إني ماعرفش إذا كان حصل ولا لسه
بلغنا الله و إياكِ شهر رمضان

سلام


شقاوة مراهقة
يا بنتي راعي فرق السن اللي بيني و
بينك
أنا بقيت بأنهج و أنا باقرأ تعليقاتك
بس أقولك
انت دمك خفيف و كلامك بيتقري بسرعة
طوّلي براحتك ولا يهمك
و بعدين إيه حكاية عدم الثقة بالنفس دي
لأ لأ لأ لأ لأ .. أزعل أنا كده
ماحبش أسمع الكلام ده خاااااااالص
ده أنا لسه باقول إن الجيل الجاااي شكله جبار و بتاع
تيجي انت تقوليلي عدم ثقة بالنفس و كلام مايع كده ملهوش لزمة
اررررررجع
و خلاص أنا صدقت إنك متابعة قديمة من حكاية إن اسمي الحقيقي محمد النجار دي
أنا مش عارف انت جبتيه منين
مايعرفوش غير اللي يعرفني من فترة
شكلك قديمة قديمة يعني
هو فعلا نيجرو جاية من هنا
بالنسية لآخر 3 سطور مكتوبين
أنا مافهمتش منهم حاجة
بس اللي قدرت أطلع بيه
انت تشرفي في أييييييي وقت
طلّتك حلوة

سلام


أنا التي
مانا كمان باقول كده
الفكرة ان الواحد يعرف يتعامل و يتكيف صح مع كده

أهلا بيكِ

سلام

ديالا said...

نيجرو

ربنا معاك ويعينك علي غربتك

واهم حاجه متتعودش علي الغربه عشان الغربه صعبه بجد

انا مقدرش اتصور اني اغيب يوم عن مصر ممكن اتخنق لو حصل كده
ربنا يعينك علي غربتك

تقبل مروري

ahmed_k said...

ربنا يرجعك سالم غانم بإذن الله
ومحقق كل أمانيك ومرادك
والسفر به من الفوائد الكثير
ثقافه جديده ناس جديده عالم جديد
تأكد أن الغربه وإن كانت صعبه لكن بها أحيانا الكثير من الفوائد وتوسيع الإدراك الذي لم يكن لتتحصل عليه لو أنك تقوقعت في بيئه واحد طوال حياتك

تقبل مني أطيب أمنياتي ودعواتي

شقاوة مراهقة said...

ايه ايه ايه

عامل ايه يا وااااد يا نيجروووو


وازيك وايه اخبارك دلوقتي حاااالا ..

مبسوط ولا زعلان ..

فرحان ولا مكتئب ..

مالك طيب .. ؟؟

اه اه انا قلقانه عليك موش عارفه ليه ..

هو كده من غير سبب

انت كويس ولا ...

قول اه ماشي ..

لالا قول الحقيقه ..

وبعدين ليه مش بتنزل اي حاجه ..

انت مش عايز تقولنا اي حاجه ..

اي اي حاجه مثلا ..

عادي طب نزل اي بتاع قول انا كويس ..

انا بعمل كذا كذا ..

انا باكل ..
انا بطبخ ..
انا بكوي ..
اي حاجه نعرف بس انت بتعمل ايه ..

قلبي معاكي بقى

مش عارفه بجد انا خايفه ليه ..

يمكن عشان رمضان قرب وحاسه انك هتحس احاسيس رخمه وعبيطه عمرك ما حسيتها ..

بس انا عارفاها كويس ..

خليك اجمد منها واتغلب عليها ماشي ..

والله ازعل لو حسيت انك مش تمام ..


ربنا معاااااااااااااااااااااااك .. افتكرها كويس دي ماشي ..

سلامونا بقى عشان طولت وانت بتهنج من الرغي هههههههههههه

شقاوة مراهقة said...

ايه ده بقى ..

انت فين كل ده ..

قلقتني زيادة

خير يارب

شقاوة مراهقة said...

انت كده طولت قوي بجد

انا قلقااااااااااااااااااااانه

فاتيما said...

وااااااااااد يا نيجرو
يا أبو قلب دهب
و يا صغنونى كما تناديك خوخة خيخة
ازيك و عامل إيه
طمن جمهور البلوجر عليك يا عم
وكل سنة و إنتا طيب من قبل رمضان أهو بس لو سمحت
طمنا عليك يا غالى

شقاوة مراهقة said...

اضم((وافتح واكسر وانون واشدد )) صوتي لصووووت فاتيمااااااااااا

رمضااااااااااان كريم

طمنا عليك بقىىىىىىىىىىى

سبهللة said...

نيجرو
كل سنة وانت طيب
رمضتن على الابواب

ابو اعصار said...

عزيزي نيجرو قرات تدويناتك السابقة
ولمست فيها معاني الانسانية والرقي
وعجبني اكتر اللي كتبته ده
الأصل - طين - مشترك .. إيه لزمة العجرفة ؟!
يا أجهل المخلوقات .. ليه تدّعي المعرفة ؟!
تحجر على رأي أخوك !! و دي سلطة مين ادّهالك ؟!
يا خسارة على عقل نَمنم .. لدرجة إنه اختفى



ربنا يوفقك في غربتك
انت في رساله محددة اعمل لها وقت محدد وترجع تنور بلدك

مبارك عليك رمضان

سومه...مجنونه فى بلد عاقل said...

بتكلم مع دعاء مواجهات وعسقول يقولولى انك سافرت كداهو منغير حي ولا خبر ماشى يا بشمهندز ع العموم ربنا معاك يا نيجرو ويوفقك

سومه...مجنونه فى بلد عاقل said...

صحيح ترجعلنا بالسلامه :)