Sunday 20 September 2009

اليوم عيد


أعرف جيداً أن للعيد شكلاً آخراً غير الذي أحياه حالياً ؛ أو إن شئت دقة القول " الذي لا أحياه حالياً ".
شعرت من قبل في أعياد سابقة متفرقة بالحزن و بالضيق لحسرةٍ ناتجةٍ عن التقصير في اقتناص فرصة اقتباس أنوار المولى - عز و جل - المتجلية في رمضان ؛ و كنت موقن أن هذا احساس صحيّ لمن هم في مثل حالي ؛ و لكن مع امتداد ستار الغفلة كانت تتلاشي هذه الأحاسيس مع الذوبان في فرحة الأهل و الصحبة المحيطين بي .
لكنني الان أعيش لحظات مختلفة ما عشتها من قبل .. أشعر و كأنني الوحيد على ظهر هذا الكوكب .. أشعر و كأنني منبوذ , معتقل , منفيّ .. تحيطني وحدي أربعة جدران كئيبة المنظر في بقعة شبه مهجورة لا تخلتف عن جيرانها في اشتمال الإصفرار عليهم ؛ و تحتوينا جميعاً حركة زمنية وئيدة الخطى مثقلة .
أحاول - بلا جدوى - أن أتغلب على هذا كله بدفس رأسي في الوسادة طالباً نوماً عميقاً لا أصحو منه إلا بعد مرور يومي الأجازة .. حتى أنسى أن اليوم عيد ؛ و أنا بلا عيد .
ما عدت أريد محادثات هاتفية ولا رسائل معايدة و لا مزيداً من التهاني .. حتى أنسى أن اليوم عيد ؛ و أنا بلا عيد .
أعرف أني و بحركة حمقاء غير محسوبة أوجعتهم و أحزنتهم لمّا هاتفوني للإطمئنان عليً و تهنئتي ؛ أعرف أني غالبت الدموع حتى غلبتها حتى لا أسبب لهم مزيداً من الأسى .
للغربة أثمانٌ باهظة على المغترب دفعها راضياً كان أو مرغماً ؛ و ها أنا أدفعها واحداً تلو الآخر ....
حيناً راضياً و أحياناً مرغماً .

14 comments:

فاتيما said...

طب انا كمان مش هقولك عيد سعيد ما دام كل يوم بلا عيد
و حاسة بيك لأنى مش متخيلة العيد بدون يوسف مهما كان و كنت
ربنا يهون غربتك يا نيجرو
ومعلش هقولك إيه بس
إنت قولتها فى آخر كلامك
تمن بيندفع
و حتمى و ضرورى
بس على فكرة الإشتياق و الحنين
دا علامة مبشرة جدااااا
صحيح انا و كل من يزعم
إنه بيعرفك كويس
كان متوقعها منك بس جميل برضو إن الواحد يحس إن احساسه ف محله
إنك إنسان حنون بجد
و قلبك من دهب
و البلد دى عندك مش مجرد مكان
فيه اهلك و صحابك
و مدرستك و جامعتك
و خلصنا
لأ
إنت بتعشق كل حاجة
الأرض و الجو و الهوا اللى بتتنفسه
عشان كدا لما روحت مكان تانى
مش قادر غير
إنك تحن لكل حاجة بتحبها
و انا من موقعى هذا بقولك
يا نيجرووووو
ربنا يرجعك بالسلامة
سالم غانم
يا غالى
يا أبو قلب دهب

كــركــبــة دمـــاغ ㋡ said...

...........................
...........................
.................................
..............................
...........................
................................
...........................


بعدين بقى

Asmaa mahaba said...

وبتقولى انا مكتئبه ليه اعمل فيك ايه اولع فى المدونه دى واولع فى مدونتى وارتاح كل ما اجى اقنع نفسى انها رحله سعيده الاقيك فى وشى تحسسنى
بالنكد اكتر ما انا حاسه
طيب ممكن اطلب اغنيه فيما يطلبه المستمعون سمعنى كتاب حياتى يا عين
الله يسامحك يا نيجرو
لا يا عم مش حتجوز امير سعودى واكوش بلاش الحقد دا :) انا لن اتنازل عن ان بطيخ لازم يكون مصرى
:) وسواق مراكب فضائيه
انا اصيله لا تقلق مش حبعد عنكم بس ممكن اكلمكم من طراطيف مناخيرى ههههههههههه وبطل قر هم شهرين ونص ان شاء الله وراجعه بس دى اول مره اسافر برا مصر لانى مسافرتش غير وانا صغيره مره واحده لمده تلات شهور وتعبت جامد وخايفه من تكرار التجربه ليس الا دعواتك

Asmaa mahaba said...

على فكره انا هنا وسط اهلى ومفيش اهل يا نيجرو خلاص الدنيا خلصت الوحده ستصبح المعنى الوحيد المتاح فى الايام القادمه

Sameh Ezzat - (خواطر خاطر) said...

نيجروو انا لسه معرفكش بس كلامك ا ثر فيا اوي يا رجل
هي الغربه وحشه كده ؟؟؟ وانا اللي بتمني اني اطير لاي بلد وحاسس في السفر طوق النجاه اللي بستناه

ربنا يصبرك يا صديق
بس لازم تكون اقوي من كده
تحمل واصبر وانشاء الله ربنا هيكرمك
عيد سعيد
:)

شوكولاتة said...

الغربة أكيد صعبة وربنا يهونها عليك بس أنا بقيت حاسة إني غريبة في بلدي صدقتني لو كنت هنا ماكنتش هاتحس غير بنفس الإحساس اللي إنت حاسه دلوقتي

مدونتك رائعة
تحياتي

Soul.o0o.Whisper said...

بجد والله العظيم كنت هاعيط

لأنك فكرتنى باخويا
و كل مافتكر كلامه اقعد اعيط

صحيح الغربة صعبة
و تمنها غالى اوى

بس أكيد ان شاء الله تحصل على نتيجة ترضيك
معلش استحمل

و بلاش تحمل نفسك عبئين
عبئ الغربة
و عبء تأنيب نفسك عليها و عدم استمتاعك بصوت اقرب ناس ليك

الظاهر عليك مش من النوع اللى بيحكى
و كاتم على احساسك بالغربة و مش بتفضفض معاهم

تمام بردوا زى اخويا
بس أنا باعرف بطرقى بردوا :)


ربنا يهون غربتك ياااااااارب
و يرجعك لاهلك بالسلامة

بس حاول ماتخدتش الامور كدا


دمت بكل خير

مهندس مصري بيحب مصر said...

الحال من بعضه
العيد بيعدي ممل و مفيش غير التلفزيون و النت و الكمبيوتر
و حبسة في البيت
على الأقل في الأيام العادية بتنزل الشغل و تغير جو و اليوم بيعدي

سيبك كله بيعدي
ربنا يهون علينا غربتنا

مواطن شووجااع said...

والله ما حد مستريح لا جوا ولابرا

-------


كل سنة وحضرتكـ بخير وتقبل الله منا ومنكم
وأسعد الله أيامكـ بفيض رضاه ونور هداه وباركـ بعمركـ إلي يوم تلقاه

Soooo said...

كل عام وانت طيب يا نيجرو

على فكره
انا جايب سيرتك في آخر موضوع
انا حبيت اقوللك عشان ما الاقينيش بأوشم بيك يوم القيامه

سلام يابرنز

عطش الصبار said...

كل سنه وانت طيب
اوجتنى كل كلمه كتبتها انا اعيش هذه اللحظات الموجعه واشعر ما تعانيه
الاهم الا تغترب عن نفسك
تقبل تحياتى

عمرو جويلى said...

السلام عليكم
أشكر حضرتك على زيرتك
كل عام وحضرتك إلى الله أقرب
وكل عام وحضرتك والأمة الإسلامية بكل خير
وكل عام وأنت إلى الله أقرب
وتقبل الله منا ومنكم جميع صالح أعمالنا
أسأل الله العلى القدير أن يغفر لنا جميع ذنوبنا
(" كبيرها وصغيرها ")
وأسأل الله العلى القدير أن يرحمنا
وأسأل الله العلى القدير أن يرزقنا الجنة
وأن يجمعنا فى الجنة
وتقبل الله
خالص تقديرى

سبهللة said...

وجعت قلبى يا بنى
ليه كدة ؟؟؟
ما تعمل لنفسك انت عيد
صحيح هايكون مختلف جدا عن عيدك فى مصر مع الاهل والاصدقاء
لكن اعتبره تغيير لحياتك وخروج من حالة الروتين اليومى
روح ملاهى
روح جنينة
اتعرف على اصحاب جدد

بلاش نغمة الاكتئاب بتاعتك دى
بكرة ان شاء الله لما ترجع نهائى هاتندم اشد الندم
وهاتقول ولا يوم من ايام الغربة
بجد مش هزار
واسأل مجرب
وبرضه وبالعند فيك
كل سنة وانت طيب
وان شاء الله العيد الجاى يكون معاك زوجة تهون عليك
والعيد اللى بعده يكون معاك نونو
ينسيك الدنيا واللى فيها

سبهللة said...

يمكن انت حالك افضل من مهندس مصرى
الامارات مفتوحة عن السعودية