Sunday, 10 August 2008

محبس


العاطفة هي إحدى نعم الله تعالى التي وهبها عباده دون تفريق بين الآدمي منهم و غير الآدمي؛ و لكن ما يميّزنا نحن معشر البشر هو أن العاطفة عندنا بمقدار و بنسب تزداد بزيادة القرب من المولى -عز و جل- حيث أن أنوار القرب منه -جل جلاله- تُكسب المرء ليناً في القلب و سعة في الصدر و رجاحة للعقل؛ و من ذاق عرف .
كثيراً ما نقابل خلال رحلة الحياة أناساً نشعر حيالهم بعاطفة حب و ود شديدين؛ نشعر و كأننا نعرفهم منذ زمن؛ نستقطع من قلوبنا -لا إرادياً- أماكن تظل حِكراً عليهم يملكونها وحدهم؛ أشخاصاً مجرد الحديث عنهم يصيبنا بحالة ألفة و اطمئنان؛ نستحضر صورهم في كافة المواقف التي تقابلنا - إن لم يكونوا هم أنفسهم بجوارنا- و نسمع أصواتهم تشد من أزرنا؛ تؤنسنا؛ تشجعنا على النهوض إذا ما أعيتنا عوادي الدنيا و اثقلت علينا و أجهدت عزيمتنا .... بتواجدهم تزداد قوتنا .
و لكن ........
ماذا لو فقدنا أحدهم لسببٍ أو لآخر ؟
كيف سيصبح حالنا حينئذٍ ؟
محزونين , تائهين , آيسين من الدنيا و فاقدين لذتها .
و لأن قوة الرابط و درجة التعلق تحددان مقدار الأسى
فماذا لو كانت كل روابطنا عتيدة ؟
ماذا لو كانت درجة تعلقنا شديدة ؟
ماذا لو كانت كل علاقاتنا تتدخل فيها العاطفة بصورة كبيرة و تحكم سيرها و توجهَها للدرجة التي تصبح معها صدمة الفقدان أشبه ما تكون بزلزال عنيف مدمّر ساحق ؟
هل هذا يندرج تحت مفهوم الشطط و قلة العقل ؟
الموضوع لا يتطرق بشكل أو بآخر لضعف إيمان -حاشَ لله- فقضاء الله و قدره حتمٌ مفهوم .
و أعلم جيداً أن الموازنة مطلوبة بين رغبات القلب و قيود العقل .
و لكن ماذا لو كانت الفطرة هي الغالبة ؟ و العفوية هي الحاكمة ؟
هل نحن في حاجة إلى محبس يتحكم في سير مشاعرنا تجاه الآخرين ؟

37 comments:

Unique said...

فكرة جديدة اوي .. محبس اممم

لو حسبنا معدلات تدفق المشاعر

وسرعتها واتجاهها وحددنا المنابع والمصبات

كدة هنعرف ازاي نتحكم في المحبس كويس

باكبر نفع واقل خسارة

مع اصرارى said...

عزيزى نيجرو
صدقت فى توصيفك
فالعاطفة هى القوة الدافعة للفعل
والغريزة هى المولد للفعل
والعقل هو المحبس الذى تعنيه
فالعقل أو الربط أو الحزم هو أداة يحكم بها الانسان نفسه من الانعطاف خلف الغرائز والعواطف.
ومن العواطف ما هو محمود مثل الحب والشفقة.
وهى قوة دافعة لأفعال الخير
فالحب يدفع الانسان للعطاء والإيثار مثلا كما تدفعه الشفقة الى البذل والتضحية.

ومن العواطف ما هو مذموم كالحقد والغضب.
فالحقد يحرك نحو الايذاء والغيبة. والغضب يحرك نحو التدمير والامبالاة وغيرها

ومن العواطف ما هو محايد فى الاتجاه ما بين الخير والشر. مثل الحماس الذى يثير النشاط والجد أو الحمية التى تسير الترابط والتعاطف وقد يكون ذلك فى الخير أو فى الشر.

فتلك هى العواطف وهذا ما تفعله بنا لولا المحبس الذى خلقه لنا الله ألا وهو العقل.
والعقل هو سمة بشرية لا يقصد بها المخ المادى ولا يقصد بها الذهن الفكرى ولا الذاكرة ولكن مقصود العقل هو الربط أو الحزم أو السيطرة على النفس من انطلاق عواطفها وغرائزها.

موضوع يستحق الاستفاضة قد كدة 300مرة
ومن المواضيع اللى بحبها وبتشغلنى
وانت موضوع من المواضيع دى
مع أجمل التحيات
سلام الله ورحمته وبركاته

~ شيمى ~ said...

فييينك من زماااان يا نجرو حمد لله عالسلامة
ــــــــــ
عن نفسى
محبسى عقلى
افتكرت على طول لما خدنا فى الفلسفة فى اولى ثانوى تشبيه ارسطو ان العاطفة حصان جامح والعقل بيلجمه
اكيد مش لازم تحركنا مشاعرنا لانها ساعات بتخدعنا

حنين القلب said...

صعب اوى يا محمد تلاقى محبس يتحكم فى مشاعرنا لاننا اصلا شعب عاطفى
بيحكم على اغلب الاشياء بقلبه
بس عارف انا واحده من الناس لما بتعلق بحد اوى بيبقى صعب عليه جدا انى ابعد وببقى مخنوقه لانى بحب الناس بجد
مش عارفه ده صح ولا غلط
بس دى طبيعه ربنا خلقها فيه ومش هعرف اغيرها
بس هفكر فى موضوع المحبس ده يا رب ينفع معايا
بوست بجد هايل يا محمد
تقبل مرورى

كاميليا said...

هل نحن في حاجة إلى محبس يتحكم في سير مشاعرنا تجاه الآخرين ؟
....

لأ .. لسنا بحاجة إلى محبس.
رقة القلوب وحبها للآخرين
نعمة من الله

ليس كل البشر يستطيعون الحب
او ينالون الحب

فهناك قلوب قاسية .. وقاسية جدا


تحياتى

Doba said...

هل نحن في حاجة إلى محبس يتحكم في سير مشاعرنا تجاه الآخرين ؟

لالالالالا

نحن فى حاجة للتحكم فى توازننا لأطول وقت ممكن والتأكد بأن هذه مجرد رحلة وان كنت تحب أن تصل وتتواصل مع هذا الشخص فلتترفع بهذه العلاقة لتحبه فى الله

وتعَلم جيداً أن الله هو من وضعه بطريقك وهو بمن بيده أن ينزعه منك لأننا جميعاً له لا محالة وهذا هو النهاية المتوقعة لهذا الدرب

تمسك بهم وهم حولك وراعى مشاعرهم للغاية واستمتع بالوجود بهم وإليهم وعندما يحين القضاء بالإفتراق أعلم أنها أمر من الله تعالى لتواصل وتتواصل مع آخرين وأدام تلك المشاعر الجميلة التى تتغلب بكل المقاييس على الحزن واليأس لأنها بنيت من البداية على أساس متين فتجد أنك لتقوى مرة آخرى تعيد تذكر كلمات ومواقف ومشاعر هذا الشخص للمدى للأمام دائما

فلتستمتع ببصمة الآخرين فى حياتك
ولتجعل لنفسك بصمة خاصة فى حياة الآخرين

ما نحن إلا ودائع الله فى الأرض ويجب ان نحفظ ونحافظ على هذه الودائع إلى أن يستردها صاحبها

لك عميق الود والإحترام
تحياتى
هبة

الشنكوتي الكبير said...

يااااااااااه يا نيجرو
على دماغك دي وللا اقول على قلبك الطيب ده
تخيل لو فعلا كل حد عزيز قوي كده مشاعرنا قويه ناحيته
لو احنا مش قادرين نتعلم نقلل مشاعرنا ولما بنحب حد بنحبه قوي كده بنحبه بطريقة بتخلي البعاد والفراق بيوجعوا قوي

قلبك طيب يا محمد ربنا يحفظك ويسعد ايامك
تصدق كلامك وجع قلبي وفكرني بناس عزيزه كتير غايبين ومش قادرين نقابلهم ولا نلاقيهم
تسلم ايدك ومشاعرك يا اخي الطيب
سلاااااااااااااااااااام
اخوك ايهاب

ـ-ـ- أحمد عبد العدل-ـ-ـ ****************************** said...

السلام عليكم
أحياناً ارتباطنا بالاخرين يمثل لنا قشة النجاة الوحيدة
لا داعى لمقاومة ذلك .. حتى لو يهيئ لنا أننا نفعل ذلك من طرف واحد ..إلا أن الأيام فعلاً كفيلة بإثبات العكس
عندما تجد نفسك ضعيفاً أمام الأحداث-لا قدر الله- ستفاجئ بكل هؤلاء الأشخاص المحيطين بك.. وقتها تدرك أنه لم يكن هباءاً
ويبقى أن الحزن عندما يكون الوجه الاخر للحب (عندما نفقده) فانه كفيل أن يكون عزاءاً ولو مؤقتاً عنه
اذا قررنا الامتناع فلا حب ولا حزن ولا حياة
تحياتى

بطوط حبوب said...

خلينا نحب
ونحب اوى واوى اوى كمان

ولما نحس انه هتحصل مشكلنا ندخل عقلنا

انما بجد مش محتاجين نحبس مشاعرنا خليها كده حره تحب الى تحبه وتركه الى تكره

وربنا يستر

أبو خالد said...

أبني الحبيب الجميل / محمد
خاطرتك مرت بذهني من قبل و فقدت خلال
مشوار العمر الكثير من الاحبة الغاليين
علي قلبي و الذين أفتقد و جودهم إفتقاد شديد و رغم ذلك لا أستطيع و ضع
محبس علي مشاعري فكلما التقيت أنسان جميل مثلك يدخل حبه في قلبي و لا أستطيع الفكاك منه فقلوبنا بيد الخالق و حده سبحانه و تعالي والارواح جنود مجنده ما تعارف منها أئتلف و ما تنافر منها أختلف..انا أحبك في الله
اللهم بلغنا رمضان و ارزقنا قيام ليله و صوم نهاره و حفظ كتاب الله
كل عام و أنت و الاسرة الكريمة بخير
دمت أبن غالي

دعاء مواجهات said...

ثوااانى

انا متنـــحة الوقتى

..........

دعاء مواجهات said...

لاااااااا

لساانى متـــــنــحة

كمان ثوانى

دعاء مواجهات said...

جميل البوست يانيجرو

والفكرة كمان حلوة اوى

انا كتير لما بلاقى حد هيموت نفسة لفقد حد بقعد

اهون او اقلل من المصيبة علية انما

ممكن انا نفسى لو ف الموقف دة معرفش اعمل اية ممكن اعمل اكتر بكتير كمان

بس الحمد لله

انا اتعلمت اتوقع كل حاجة واى حاجة ومستغربش اى حااجة ابدا مهما كان

بمعنى انة لايشعر بالمصيبة الا من وقعت بة

ومهم اوى فعلا اننا نتحكم ف مشاعرنا الى حد ما يعنى منموتش نفسنا م الحب ولا نموت نفسنا م الزعل..

ربنا يبعد عنا المصائب والفقد ياارب

تحياتى لطلعااتك الجامدة..

دعاء مواجهات said...

اة وانت فااضى كدة

ابقى شقر ع مدونتى

احتماال اغيب عنها

كام يوم كدة

المدونة والعيال امانة ف رقبتك

يانيجرو.........

بيس يامعلم

آخر العنقود said...

فكرة وكلمات اكثر من رائعة
مهما حاولنا نحط محبس ومهما عاندنا نفسنا
صدقنى هيجي اليوم اللى يتفتح فيه المحبس ومش هتقدر تتحكم فيه
بمجرد مانحس بحب بجد من خلاله تلاقينا بنحب كل اللى حوالينا
للاسف الواحد من كتر حبه الوافي للاخرين كتير باتصدم فى كتير
لكن بردوا حاولت ومش حاسة انى ادر اعيش من غير حبي للاخرين

بوركت وبورك قلمك
بجد تعبير جميل ماشاء الله
دمت فى حفظ الله

إيما ( أم البنين) said...

محبس المشاعر هو العقل ..ولو إن في مواقف وأمور لا يكون فيها العقل هو العامل الوحيد ..وتتحكم فيها المشاعر ..
تحياتي

إيما ( أم البنين) said...

رقائق في دقائق ..مدونه جديده تدعوكم لها إيما (أم البنين)..فيها نذكر بعض الرقائق التي تأخذ دقائق من وقتنا ..ونحصد بها
حسنات كثيرة..وندعو الله أن تكون خالصة لوجه الله تعالى..كما تتمنى
أم البنين مشاركتكم لتكتمل الإستفاده
المدونه على الرابط التالي:
http://rakaek.blogspot.com/

ابن حـجـر الـعـسـقـلانـى said...

يا نجرو انت شخص لماح .. و الموضوع جميل جدا .. و أثرت تساؤلات الجواب عليها مش سهل

انت عارف إن التعبير عن مشاعر الإنسان بيبقى شىء فى غاية الصعوبة .. يعنى لو الواحد عبر عن مشاعره دى بشكل أو بآخر هايستريح لكن لما تعجز عن التعبير عن مشاعرك بتلاقيها بتتراكم و بتكبر لدرجة مخيفة

و هايبقى صعب انك تتحكم فى مقدارها باستخدام المحبس

و بجد أنا باعتذر لك إنى ماكنتش بازورك .. معلش

ربنا يسهل و ارجع انتظم فى التدوين تانى

و بجد بجد .. تحياتى ليك و أنا سعيد جدا إنى قابلتك

رندا said...

استنى لما اشرب كوباية الاعصاب الى قدامى
اقصد الليمون مش هو بيهدى الاعصاب برضة ههههههههههههههه

انا مش عندى محبس خالص

انا الى بحبهم بجرى اقولهم فورا وبحب اوى محدش يقفل محبس مشاعرة
لية يتقفل يعنى
اترك محبس مشاعرى للحب
وكم فقدت اعز الاحباب والذى يعزينى
اننى اعطيت لهم كل الحب دون ان احبس مشاعرى تجاهم
عارف نظرية الاوانى المستطرقة عارفها
الحب هو كدة بالظبط
تخيل مش قادرة ارد على البوست دة جامد وخطير اوى يخلى الواحد يقول كلام ياعم
كفايا مش هقول اكتر خلينى ساكتة ياعم نيجروا
بوست لة معانى كثيرة وخفايا كثيرة
ممكن انكش حضرتك ههههههههه


كل الود

رندا

سمر الشافعى said...

لا ابدا مظنش اننا عشان خايفين من وجع الفراق يبقى نحبس مشاعرنا ونقيدها جوانا بالعكس بيتهيالى ان كل اللى محتاجينه اننا نبقى حاطين فبالنا ان الفراق ممكن ونعمل حسابنا عالوقت دا عشان لما يجى وجعه ميقتلناش

تحياتى ليك

المنسى said...

إيه ياعم الكلام الكبير ده
ده عقدتها وقلبتها دراما كده
فعلا إحنا بنقابل ناس كده بالحب ده والعطف ده زيك كده بس سيبك من الفراق
لأن لما يقع قدر ربنا كله بيتنفذ بس بتفضل ذكرى حلوة بنفكرها بين الأطلال فى وقت ما وإن كان قليل
الدور والباقى بقى على الناس إللى فعلا تأخد مكان فى قلبك وتبقى مش قادر تستغنى عنها
ومن غير فراق لقدر الله
هما بيغدروا بيك
لشىء دنيوى
أو لمجردة فرصة للغدر
لأن ده فى دمهم أصلا
وانت عاشرتهم كتير
وقلت عليهم كل الكلام إللى إنت قلته ده
وصحيت فى يوم من الأيام
عشان تلاقى وجه تانى
ساعتها
ماذا تفعل


بس بجد أحساساك جميللللللللللللللل

موناليزا said...

نعم نحتاج الى محبس
ولكن مش بالسهولة الحصول عليه او حتى استخدامه

nosha said...

مساء الخير نيجرو يارب تكون بخير وفي أحسن الأحوال
موضوعك جميل جداً وفيه ناس كتيرة أوي عندها الفطرة هي الغالبة والعفوية هي الحاكمة بس عايز أقولك إن فقدان أي عزيز أو غالي بالطريقة والأسلوب ده بيكونوا بجد شعور أكثر من مرعب ويمكن كمان يكون مميت لبعض الناس
لإنها فعلاً موجودة عند ناس كتير جداً ومبيقدروش يقاوموا أو حتى يحاولوا إنهم يتماسكوا لإن شعارهم الوحيد بيكون إما اليأس لفترة طويلة أو الإنهيار الكبير

تحياتي ليك ولموضوعك الجميل

سومه...مجنونه فى بلد عاقل said...

شوف يا نيجرو عن خبره ودرايه لا تتصور قدرها فى الموضوع دا اقولك وبكل اسف وثقه فى نفس الوقت عبيط اللى يعمل كدا فى الزمن دا
عبيط اللى يحب حد ويتعل بيه جامد ويحكم مشاعره قبل عقله
انا اتاذيت كتيييييييييييير بسبب فطرتى وتعلقى بالناس اكبر من تعلقهم بيا
العقل لازم نحكمه اكتر من العاطفه وخصوصا انك لو استخدمت العاطفه وجعلتها الطاغيه حتلاقى نفسك فى الاخر خسران
والخساره هى نفسك وقلبك اللى حتلاقيه بيتكسر مره ورا التانيه من الخداع من الصديق والاهل والحبيب والمجتمع
ودا مش تشاؤم لكن دا معرفه للحذر
ماما قالتلى زمان كلمه معرفتش للاسف قيمتها غير بعد فوات الاوان
متحبيش حد اكتر من نفسك وانا مسمعتهاش وادينى دلوقت لا طولت اى حد من اللى حبيتهم ولا طولت نفسى
وان رايتونى اضحك لانى مببطلش ضحك فاغلب الضحك بيكون ضحك على نفسى
فى هذا الزمان نصيحه متكرهش حد وحب بس متحبش قوى عشان متتجرحش قوى وحاول متتعلقش بالاشياء قوى عشان لو فقدتها حتتعب قوى قوى قوى
وياريت تحافظ على المحبس وضيقه شويه
تحياتى ليك سومه_87

سبهللة said...

لأ انا مش محتاجة المحبس دة
انا دايما مدلدقة عواطفى سواء الحلو منها او الوحش
مش بعرف اتحكم فى انى احب دة او اكره دة
ومبسوطة بكدة جدا ومش عايزة المحبس دة
صحيحي بتعب نفسيا جدا لاى شىء سىء يصيب من احبهم الال انى مش قادرة اتحكم فى سيل حبى ليهم

appy said...

مكنش حد غلب يا نيجرو
كنت انا جبت قفل قفلتها صدقنى
بس اللى اعرفه ان لازم نكمل الطريق ومنخليش كل المشاعر تتحكم فينا

فاتيما said...

نيجرو يا غالى عليا
الفكرة فظيعة جداً
أنا اول واحدة هقول
مش عايزة محبس
أصل ...
اصل مينفعشى
كلام رندا حبيبتى تمام قوى
و ماشى مع رأيى
و كمان سبهللة و آبى
لو بعدت غصب عنى عن حد بحبه
بحس بالراحة إنى لما كنت معاه
بينتله مشاعرى بما يكفى
و ذكرياته عنى هتكون كويسة
طب دنا نفسى الزمن يرجع بيا لورا عشان أحب يوسف اكتر من كدا شويتين تلاتة
تعرف إنى كنت ببوسه كل ساعة ساعتين بوسات كتير و أقوله دى بوسات لقدام
عشان لما تروح لبابا يبقى خدت البوس بتاعك كله ...
تقوم تقولى محبس يا نيجرو ؟؟
يعنى ليه المحبس بقى ...
إذا كنت بتتكلم عن الحب البهدلة بتاع شكوكو اللى قولت عليه فى بوست آبى دا
فيعنى برضو الحب لو مش للى بيستاهله هييجى الوقت و إنت هتقفل الحنفية خالص من نفسك
و لا محبس و لا غيره
و أتفق مع الغالبية العظمى من التعليقات فى ...
إننا لازم ننكشك أكتر من كدا
و ناخدك فى زخنيق و نقررك
البوست دا لمين
و عشان إيه يا ولد يا خلبوص إنت
إعترف و خلصنا
قصدى طمنا
هه

قوس قزح said...

عايز فعلا تبقى مشاركتك مش بس كلام
و تساعد نفسك و غيرك و بلدك
تعالى شارك معنا
التفاصيل هنا

http://kouskoza7.blogspot.com/2008/08/blog-post_12.html

او هنا

http://bekyaforsale.blogspot.com/2008/08/blog-post.html

انين الحزن said...

محمد متزعلش مني والنبي يامحمد

انا عارفه ان ليك حق بس غصب عني والله

معلش سماااااااح والنبي

علشان خاطر وزة

هاااااه

صافيه لبن ؟؟؟؟؟ ؟؟؟؟

ست البنات said...

مش بحب الناس اللي بتحبس دي

بتتعب أوي في حياتها

عايزنا نحبس ونتعب واحنا عايشين مع حبايبنا وكمان بعد ما نفارقهم؟؟

ساعات بفكر وأقول هو اللي بحبهم هيزعلوا لما أتكل على الله ولا لأ؟

بصراحة لو مزعلوش هزعل أوي :(
ولو نسيوني هضايق أوي

طيب ليه اخلي نفسي أغلى عليا من حبايبي!!

تدوينة جميلة
ومدونة راقية جدا
تسلم

ayman badr said...

فيه محابس كتير عندنا يا محمد
فيه محبس للمشاعر اسمه العقل
وفيه محبس للأشياء القبيحة اسمه الضمير
وفيه محبس للتهييس اسمه الوعى
وفيه محابس تانية متوصلش ليها العلم الحديث
بس بجد بوست جامد أحييك عليه

Dr. Flavio said...

بالنسبه لي يا محمد المحبس ده أكيد مطلوب في أوقات معينه ..
خصوصا مع بعض الأشخاص اللي الواحد بيحس معاهم بألفة وطمأنينه زياده .. تحديدا من الجنس الآخر
عشان فيه علاقات لازم مش تتطور عن مستواها اللي هيا عليه لمصلحنا احنا الاتنين ..
أنا من الناس اللي انت قلت عليهم إذا ما ابتعدت فتره عن أحد اولئك الاشخاص أحس بأن هناك شيء ينقصني وأصبح في أشد الحاجه لمعرفة أخباره أو لحديثه

عجبتني الحته دي أثناء القراءه

فماذا لو كانت كل روابطنا عتيدة ؟
ماذا لو كانت درجة تعلقنا شديدة ؟

عارف .. ساعات بفكر لما ييجي اليوم وكل واحد من اصحابي دول يشق طريقه وأنا زيهم .. هل هتبقى الحياه بنفس الشكل؟ وهل سيكولوجية الفرد ستقبل بالتغيير ببساطه؟
عادة مش بطلع بحاجه في الموضوع ده وبقول ..
دع الأيام تفعل ما شاء .. وطب نفسا ً إذا حكم القضاء

سعدت بمروري ههنا يا أخي العزيز .. وألف مبروك لك التخرج والعمل وبإذن الله تتحقق لك كل أمنياتك

دعواتك إن أنهي الامتحانات على خير

سلام الله عليك

بت خيخة وأى كلام said...

هى دى مجرد فكرة
ولا حاجة خاصة بيك انت يا نيجرو

طب تعالى نفترض انها مجرد فكرة
انا شايفة ان احنا نطلق لمشاعرنا العنان

يعنى نحزن ونغضب ونبكى
بس لازم نتماسك بعد كدة


انا مش عايزة اكمل باقى التعليق

سلام
اختك خيخة

نوسه said...

هو لو مفيش عواطف خالص خالص كنا هنبقى عاملين ازاى؟
لو مفيش حب ولا كراهيه ولا خوف ولا طمأنينه .. لو مفيش اى عاطفه خالص
بتهيالى هتبقى الحياه وحشه اوى
عارف حتى لو فى محبس؟ هتبقى الحياه بردو وحشه
اصل احنا مش انسان الى او كمبيوتر هنبقى بالقلم والمسطره يعنى
ساعات الافوره فى المشاعر هى ماتؤكد انسانيتنا

Soooo said...

نيجرو يابني .. انت مش ابني


بص يابو النجاجير
لو كلنا حطينا في دماغنا ان الدنيا دي عباره عن نفق صغير ومشينا فيه واتعرفنا فيه على ناس واتعلقنا بيهم وحبيناهم .. ولأي ظروف بتحصل او حصلت الناس اللي اتعرفو علينا مشيو وسابونا .. بس على وعد اننا هنتقابل في جنينه كبيره وفيها افراح وضحك ولعب وهزار وكل حاجه حلوة .. يبقى ساعتها هنرتاح وهنحط في دماغنا اننا لازم هيجي علينا يوم احنا كمان .. ونسيب النفق

ربنا يصبرنا على فراق الأحبه

واحشني ياد قوي .. وياريت تيجي قريب عشان في مجلات عالمية كتير شافت صور رجلك وعايزينك تبقى الموديل بتاعهم
ابسط ياعم هتشتهر اهو




سلاموووووووووووز

أم أحمد المصرية said...

لا ياسيدي فكرة المحس ما تنفعش تعمل ايه لو احتاج تغيير جلدة حتلاقي سباك مشاعر فين
عشان كده الحل ان الواحد يعيش بطبيعته يحب زي ما هو عايز بس يذكر المقولة العظيمة القائلة احبب من شئت فإنك مفارقه
هي دي الدنيا منغير زعل امال بنشتاق للجنة ليه
تحياتي لك و دعائي الا تقاسي تجربة الفراق كثيرا

دعاء مواجهات said...

ازيك يابرنس

بجد نورت مدونتى

وتعليقك ماكانش ينفع ابدا ارد علية عندى كاان لااازم اخد اول تاكسى وااجى جرى
اقولك
كلامك دة بجد بيحمسنى اكتر وبيزود من ثقتى فيا

واهم حاجة ان الكلام عجبك..

عاوزة اعرف هتيجى توقيع لاكتاب ولا لا؟؟

ولقاء الضربشمساوية كمان بكرة الساعة 5 ف وسط البلد .

بيس