Friday 10 April 2009

روح عدائية


حاسس بروح عدائية في اللي أنا وسطيهم
رغم إني دايماً مسالم و بأراعي ربنا فيهم
يكونشي جدلي الكتير سبب العداء و البعد ؟
أسـجـــن دمــاغي يعني لأجــل أرضيـهـم ؟

14 comments:

دعاء مواجهات said...

لا طبعا متسجنهوش بس بردو متهلكهوش مع اللى ميستحقووش

بيس ياكبير

kochia said...

الجدل والمسالمةمش متفقين تماما
اكيد جدلك الكتير سبب

متسجنهاش .. بس علمها تعبر بشكل الطف

تحياتي

Asmaa mahaba said...

لا لا لالا تسجن دماغك ليه شوف يا نيجرو يا اخويا انا وجدت الحل الوحيد ان كل واحد يتصرف بطبيعته ويحاول بقدر الامكان متضايقشى الاخرين بس اهم شىء ميمثلش حد غيره
انت شكلك مشكلتك انك حاد شويه فى الصح قوى والنوعيه دى بتتعب شويه فى زماننا دا طنش كله بيعدى

انا حره said...

ياسيدى سايس امورك ومشيها وشوف انت محتاج مين اكتر محتاج حب الناس يبقى متجادلش كتير وخدهم على اد عقلهم وقول رايك من غير جدال

انا مبحبش انى ابقى عامله زى ابله فضييله كدا واقعد اقول نصايح انا اول حد المفروض انصح نفسى بيها اساسا

Soul.o0o.Whisper said...

حاسس بالعداء لأن مفيش روح المناقشة و تقبل الاخر
ماهو دلوقتى اللى يخالفك فى حرف يبئا عدوك
مسالم من وجهة نظرك انت
انما من وجهة نظرهم اللى واقف لهم فى الزور
مانا قلت لك الجدل عندهم يا معايا يا ضدى
بس كدا
انما ما تسجنش دماغك
زى ما دعاء ماقالت
متهلكهوش مع اللى ميستحقهوش

بس خلاص


دمت بود

همس الاحباب said...

جدال على حق
يبقى دوس يا معلم
وطبعا لو سجنت دماغك
يبقى السجن الدنيوى اريح من سجن العقل
ولكن لكل مقام مقال
على فكرة احذف التعليق اللى قبلى ده اعلان صينى عن مواقع
تحياتى

فاتيما said...

يا نيجرووووووو
الروح العدائية
دى سببها إنك شخصية واضحة
و ماشى بمبادىء و خطى ثابتة
و ملكشى فى شغل المكر
أحيانا البراءة بتستفز بعض الناس
أيوه صدقنى
و دا ينطبق عليك جدا
إنت رجل ناضج
يحمل قلب طفل
الحكاية دى ممكن تحسس
المغايرين ليك بالضيق و الغيظ
أصلك من غير ما تقصد
بتحطهم قصاد نفسهم
بيشوفوا طباعهم فى مراية
و يحسوا إنهم بالمقارنة بيك
أد إيه الدنيا غيرتهم
و خلتهم غلاظ القلب
و بقوا واخدينها قفش و فهلوة
بيحسدوك يا صديقى الصغير الجميل
على نقاءك
و لا يهمك منهم
يا أبو قلب دهب
و خليك كما أنت
زى صورتك اللى فى ملف التعريف
عصفور برىء

Doba said...

الروح العدائية سببها انك انك مسالم وواضح وكمان شاطر ف اللى بتعمله

اتعلمت حاجة جديدة وعجبتنى قوى

لما يكثر من حولك اللى عاوزين يشوك لتحت لانك متميز حاول انك تنسب تميزك ليهم وان اللى اتعلمته وبتعمله كله منهم ومن طرقهم الممتازة اللى علموهالك وتأكد لما تعمل معاهم كده هترضى عند كل واحد فيهم الأنا عنده عالية قوى ولو رضيت غرور كل واحد فيهم هيتنفخ قوى وممكن يفرقع فيها ونبقى خلصنا منهم وارتحنا

على الرغم من انك مسالم وراضى باللى ربك بيحطك فيه من ظروف ومواقف الا انه خلقلك عقل علشان تتعامل بيه مع البشر وفيه اوقات مينفعشى تكون فيها مسالم لازم تكون أسد مغوار تشوف حقك فين وتجيبه وتحافظ عليه وكله بالاصول

خد من ربك وايمانك بيه القوة والصلابة اللى تخليك تتميز ف التعامل مع المواقف الصعبة

امنياتى بالتوفيق
واوعى تفتكر انك جبان
الطيبة حاجة والجبن موضوع اخر
الجبن جبن شيدر ورومى

سلام يا صديكى
هبة

ميّويه said...

يااااااااااه كأنك بتتلكم بلساني يا نيجرو بالظبط بالظبط بالظبط والله
اعذرني إني مش عارفة أقول حاجة غير كدة
لإني محتارة وتايهة برضه

المـــفـــــــقــــــــوعـــــة مــرارتـهــا said...

ايه ياعم الكلام الكبير دا
انا عمالة اكتشف فيكمواهب
دي رباعيات نيجرو صح
تسلم ايديك
اوعي تسجن دماغك خليها علي راحتها
دي دماغ حلوة جا خسارة تتسجن

سبهللة said...

لأ طبعا ما تسجنش دماغ عشان ترضى حد
المهم انك تكون انت راضى عن نفسك
بصراحة
كلامك فى الجون

سبهللة said...

اين انت؟؟؟؟؟؟؟؟؟
طمنا عليك

ســـهــــر said...

خليك زى منتا متغيرش من نفسك عشان حد
طالما انت صح أستمر

تحياتى

Ehab said...

يا فانان يا جامد

واحشني قوي يا نيجرو
سامحني على التقصير بقى
المهم انك تكون بخير

سلاااااااااااااااام
اخوك ايهاب