Monday, 10 March 2008

إليكِ

إليــــــــكِ يا مَن كنتِ..

أغلى عندي من أي شيء و من كل شيء

أقربُ إليَّ من أي شيء ومن كل شيء

أحبُّ إليَّ من أي شيء و من كل شيء

أحلى عندي من أي شيء و من كل شيء

...........................................................

أعترفُ بأنني قبلكِ يا سيدتي كنتُ كالتائِه

لم أعرفْ طعماً للأحلامِ و لا للحبِ و لا رقةِ أجوائِه

جالستُ الفشلَ و صاحبتُ الإحباطَ؛ فحرّكني بأهوائِه

لم احلمْ يوماً بالمستقبل أو أرغبْ بلقائِه

أعترفُ بأنني قبلكِ يا سيدتي عشتُ كالتائِه

....................

أعترفُ بأنني حينما أنطقُ اسمَكِ أشعرُ بأمان

إيمان.. أطيبُ أسماءِ الدنيا إلى قلبي و أحلى الألحان

قبلكِ.. كانت تأسِرُني أيادي اليأسِ و تملُكني الأحزان

حتى أشرقتِ و معكِ خيوط النور و باقات الألوان

.....................

أدمنتُ سماعَكِ في شغفٍ؛ و أُحبُ عتابَ الأحباب

و لكِ في قلبي منزلةٌ تجعلني دوماً أرتاب

هل أنت فعلاً إنسان؟!.. أم أنت ملاكٌ خلاب؟!

يا قمراً يسطع بسمائي يا نهراً داخلي ينساب

.....................

ساحرتي.. أميرة أحلامي.. من أجلكِ أكتبُ كلماتي

سيدة العالم في عيني.. حُبُّكِ هو أرقى حالاتي

قسوتُكِ-أحياناً-مُرَّة.. و حنانُكِ داوى جراحاتي

حزنُكِ هو حزنٌ في قلبي.. فرحتُك أسعد أوقاتي

.....................

حبيبتي.. أشكركِ جداً أنكِ سبَّبتِ إسعادي

و فتحتِ عيوني على الدنيا؛ و كتبتِ شهادةَ ميلادي

و جعلتِ مني إنساناً؛ و رسمتِ لوائحَ إرشادي

برضائِكِ بي و بإحساسي حقّقتِ لي كلَّ مُرادي

.....................

حبيبتي.. أخبرتُكِ يوماً أن حياتي هي أنتِ

و خيالك يسكُن في عيني؛ و كلامكِ يملأُ ذاكرتي

و مجرد رؤية عينيكِ تُعطيني في نفسي ثقتي

و ملكتُ العالمَ بهواكِ؛ و هواكِ أعلى أوسمتي

.....................

جمالُ الدنيا قد اجتمعَ تحت قدميكِ

فعطورُ الوردِ صادرةٌ من بينِ يديكِ

و ضياءُ الشمسِ و روعتُها منكِ و إليكِ

لا يوجد في الدنيا شيءٌ يُشبه عينيكِ

.....................

من يوم ظهورك بحياتي أصبحتِ أصلي و تكويني

و كلامُكِ أمسى أغنيتي؛ و هواكِ عقلي و جنوني

و استحوذتِ على و جداني و على تفكيري و عيوني

سيدتي و مولاتي و عُمري.. من أجلكِ سأعيش سنيني

.....................

أخافُ عليكِ أكثرَ من خوفي على نفسي

و أشتاقُ إليكِ شوقَ الأزهارِ إلى الشمسِ

يا زهرة عُمري.. عُمري لكِ.. أنتِ أضوائي و أُنسي

يا أحلى امرأةٍ في الدنيا.. أنا لا أنساكِ فلا تنسي

.....................

إيمان.. لا تتركيني.. فأنتِ بالنسبةِ لي روحي

أنتِ أحلامي و أيامي و أفراحي و كلُّ طُموحي

و بكِ يرتسمُ الأملُ بأعماقي و تزولُ جروحي

يا نهرَ الحبِّ المتدفق.. يا نجمَ الحُسنِ المتألق

يا جنَّة روحي

*************

18 comments:

بت خيخة وأى كلام said...

الله عليك يا نيجرو
جسمى قشعر والله
يا بخت ايمان بيك
وربنا يسعدك يارب
ياواد انت جامد اوى واحنا مش واخدين بالنا
بجد بجد كلماتك دخلت قلبى
تحياتى ليك ولايمان
سلام
اختك خيخة

Desert cat said...

يا سيدى على الحب والرومانسية
اكيد طبعا ايمان تستاهل كل المشاعر دى
ربنا يجمعكوا على خير باذن الله
وتجيبوا نيجرو ونجروايه صوغننيين

nigro said...

بت خيخة و أي كلام
============
عارفة يا نونا
أنا ناشر الكلام ده ليه؟
علشان مكنش ينفع إني اكون كتبت حاجة من قلبي و بعد كده أرميها في الزبالة
انت ماخدتيش بالك من كلمة "يا من كنتِ"
في اليوم اللي كنت رايح علشان أدّيلها فيه كلامي ده.. عرفت انها اتخطبت لواحد تاني
بحسبة بسيطة كده اتّضح إني لسه أدامي كتير علشان أتقدّملها
بتفكير سليم رضت باللي اتقدم.. اصله كان جاهز
أنا مازعلتش منها.. أصلها فكّرت صح
و أنا باحترم الأذكياء
و هي ذكية
سلام يا نونا
----------------------------------
desert cat
=======
هي بالفعل تستاهل
بس للأسف
مش هينفع
أصل خلاص
انتهي

قبلة الحياة said...

ما شاء الله ولاحول ولا قوة الا بالله

يا بختك يا ايمي كل ده عشان عنونك يا سيتي الا ما حد عبرنا حتى بسلو قلبي ولا حتى أيها الراقدون تحت التراب جئت أشكي هوى الأحباب

نيجروا بجد روعه ما شاء الله

وان شاء الله ترجع لك ايمان من تاني ويجمعكم على خير يارب

وما تنساش تقولها تبخر نفسها لاحسن في ناس شرانيه بتحقد عليها ...

صدقني لو عرفت الناس دول هقولك علطول ...

كح كح

<<<<<<<<< بريئة

رئيس جمهوريه نفسى said...

يا حلاوه يا ايمان
بسم الله ما شاء الله رب العالمين روعه بجد يا عمنا حدد ميعاد ونروح نتقدم يا برنس شفت انا بهتم بامور اعضاء الجمهوريه ازاى

بت خيخة وأى كلام said...

اوباااااااااااااا
اصل انا بحترم الاذكياء وهى ذكية
بس هل الذكاء يدينا الحق ان احنا نفرط فى مشاعرنا بالسهولة دى
وبعدين مش كل الاذكياء بيكسبوا
ساعات بعض الاذكياء بيحسبوها غلط
صدقنى يا نيجرو
مش كلهم بيحسبوها صح
بيجى عليهم وقت ويندموا على اختياراتهم وعلى حسباتهم
وبكرة تقول خيخة قالت
تحياتى ليك وعلى مشاعرك الجميلة اللى كنت بتكنها لانسانة ما
واذا كانت هى ماقدرتش المشاعر دى
فصدقنى هى اللى خسرانة
حتى ولو كانت ذكية
تحياتى ليك يا نيجرو
اختك خيخة

~ شيمى ~ said...

ليه بس كدة
لا اله الا الله
اكيد ربنا شايلك الافضل
ماتزعلش نفسك
محدش عارف الخير فييين

فرنسا هانم said...

كلام جامد بجد
واحاسيس جميله
ونفسى بعد ماقريت الكلام ده اشوف مين ايمان دى ؟؟
دى اكيد واحده تستاهل بجد

بطوط حبوب said...

يا سيدى ع الحب والرومانسيه
ايه يا عم كان فين الكلام ده كله
ع فكره بالمناسبه دى انت هتبقى احسن واحد يجاوب لى على البوست بتاعى روح وربنا معااااااااااااك

Ahmed Mubarak said...

انت يا ولد .. وجعت قلبي معاك

مش هقول اكتر من كدة

تحياتي

آخر العنقود said...

الله الله يانيجرو

بجد كلمات رااااااااائعة
ومشاعر صادقة جدااااااااا منك

انا كنت هقولك يابختها
بس بعد اللى قريته

بقولك زى اللى خيخة قالت
ده عمره ماكان ذكاء ابدااااااااااا


ربنا يارب يوعدك باللى تستاهل كل مشاعرك الجميلة دى بجد

انا مبسوطة جدا انى عرفت مدونتك
بجد كلماتك معبرة اوى

لانى بحب جدا اللى بيعبر عن مشاعره بالطريقة دى

ربنا يكرمك يارب ويوفقك
ويسهلها
:)

سلاماتى

ميّويه said...

أنا اللي حاخد غرامة تأخير المرة دي
لا بس متظلمنيش أنا قريت البوست قبل كدة بس مرديتش
دلوقتي برد آهو
----------
بس إيه الرومانسية دي
لا بس جامدة والله
وإن شاء الله لك الأفضل
تحياتي لك ولإيمان :)

فضفضة said...

نيجرو

انا اول مرة اجي هنا وان شاء الله مش اخر مرة

وعلى قد ما فهمت من الكلام لقيت فيه ايمان

الذكية جدا
ولقيت كلام كببببببببير قوى

خساااارة ان ايمان طلعت زكية
وان شاء الله تلاقى

الف ايمان
وتكون في الالف دول
فيه واحدة غبية جدا

بما يكفى انها متضيعشي الكلام الجميل ده من ايدها
عشان اى شيئ مهما كان

تحياااااااتى

انين الحزن said...

ايه دا كله
كل دا لايمان مش طالبه معاك وزة خالص

بس بجد حلو اوي تسلم ايدك دنتا طلعت جامد يجي منك اهوه انت هتتحسد كدا

ربنا يخليكوا لبعض وتكملوا علي خير

اتاخرت عليك انا معلش النت كان فاصل
سلاموووووووووز
وزة

مجداوية said...

الله الله اومال ايه اللى حضرتك كتبته ده عند الأخ بطوط أنا قولت حآجى هنا حلاقى مدونة كلها نكت طلع ان ده كله من قلب انجرح صحيح كالطير المذبوح تحسبه يرقص وهو يتمايل من الذبح !! قلبى معك أخى الكريم هى فقط ليست هى التى ستشاركك حياتك فالأخرى معلومة لدى الله والتى سوف تختارك كما اخترتها فانتظر ولا تنسى أن تبتسم دائما فى وجه الألم فهو علاج سحرى وجائزة الرضا هى الرضا ولسوف ترضى

appy said...

ربنا يخليكم لبعض ..........ز
اللهم لا حسد ويكفيكوا شر العين
بدل ما الاقى يوست تقولها فيه انتى شيطان ههههههههههههه

nigro said...

قبلة الحياة
=========
على فكرة هي و لا تعرف ان الكلام ده اتكتب ليها
و على فكرة برده أنا مش بتمنى انها ترجعلي
مش علشان أنا معدتش بحبها
انما أنا مش عايزها تزعل لو حصل لها حاجة وحشة في خطوبتها
عارفة لما تحبي حد لدرجة انك عايزاه يفرح و لو حتى على حساب مشاعرك
أنا
-----------------------------------
رئيس جمهورية نفسي
==============
أهو انت كده يا محمود خلّتني أتأكد ان الريس بتاعنا غلبان و مايعرفش حاجة في البلد
انت نايم على ودانك يا استاذ
انت ماقرتش ردّي على نوران
شكراً على كلامك يا حودة
-----------------------------------
بت خيخة و أي كلام
===============
عارفة يا نونا انا بحبها لدرجة اني بلتمس ليها العذر في أي حاجة تعملها
هي وافقت على اللي اتقدملها
يبقى اكيد شافت انه احسن مني و هيقدر يسعدها
ربنا يفرّحها يا رب
-----------------------------------
شيمي
====
هو الواد سيجا عداكي ولا إيه؟
محدش عارف الخير فين
لا فعلاً يا شيمي محدش عارف الخير فين
أنا برده بصبّر نفسي بكده
-----------------------------------
فرنسا هانم
=========
هي فعلاً فعلاً تستاهل
لو عايزه تشوفيها
بصي للقمر في ليلة 14.. هتشوفيها
بصي للورد الأبيض.. هتشوفيها
بصي لضحكة طفلة زي القمر عندها 4 سنين.. هتشوفيها
بصي لأي منظر حلو يقابلك.. هتشوفيها
-----------------------------------
بطوط حبوب
========
موجود و الله يا محمود بس مش بيطلع غير للغاليين بس
على فكرة أنا جاوبتلك على سؤال البوست بتاعك
و اكيد كانت اجابتي أحسن اجابة طبعاً
(:
-----------------------------------
ahmed mubarak
============
سلامة قلبك يا أبو حميد
أمال أنا أعمل يا أحمد
-----------------------------------
آخر العنقود
==========
انا مبسوطة جدا انى عرفت مدونتك
طيب أنا اقول إيه بعد الكلمة دي؟
بجد بجد أنا اللي فرحاااااااان جداااااااا اني بشوفك عندي
يا رب دايما كده منوراني
-----------------------------------
ميّويه
====
لا يا مي أنا كده اللي هاخد غرامة تأخير
بس أنا كنت تعبان جدا و مش قادر أرد على التعليقات
بالنسبة للرومانسية .. دا بعض مما عندنا
(:
منوراني يا ميّوية
صحيح.. أنا حاسس كده انك احتلّيتي الكمبيوتر و النت من شيمي
-----------------------------------
فضفضة
=====
ربنا يخلّيكي يا رب على كلامك الجميل ده
و يسمع منك ربنا
منوراني في زيارتك الأولي
و متقطعيش الزيارات
-----------------------------------
انين الحزن
========
إيه يا وزة
انا كنت كل شوية أمر على التعليقات مالاقكيش
أنا قولت فيه حاجة
لحد ما لاقيت ردك.. سترحيت
طبعاً باين من ردك انك مش قريتي ردي على نوران (بت خيخة) و لا على قطة الصحراء
و شوفيلك حل بقى مع صاحب السايبر
بتوحشينا يا بنوتة
-----------------------------------
مجداوية
=====
نكت؟!.. اللي يكرمك
عارفة انت لو كنت قريتي البوست اللي قبل ده كنت فهمتيني كويس
كلامك مظبوط جداً
و أنا فعلاً عايش دلوقت على اساس كده
نورتيني في زيارتك الأولي و كلامك الجميل
-----------------------------------
appy
===
طبعاً يا آبي انت بكلامك ده بتنضمي مع رئيس جمهورية نفسي و أنين الحزن لحزب اللي ماقروش ردّي على خيخة

Anonymous said...

يا الله على الكلام
انا جيت مدونتك بالصدفه
و كانت صدفه فعلا حللوه
بس على فكره ايمان مش زكيه خالص انها تسيب حد بيحبها الحب ده كله
ربنا يكرمك و تلاقى اللى تحبك اد ما تحبها