Thursday 13 March 2008

تاج العسقلاني

و أخيرًا و بعد طول انتظار أول تاج يوصل.. وصلني أخيراً تاج من ابن حُجيجير العسقلاني اللي كان محتاس و محتاج لخبرات زمايله المدونين في موضوع رفيع كده

قال إيه عايز يشكّل وزارة في دولته عسقلانيا العظمى!!!

شوفتوا.. موضوع رفيع قوي

قوي يعني

لالالالا بصراحة أول تاج يوصلني يبقى جامد كده

أنا مش قد التاج ده يا ابن حُجيجير

و علشان كده

لقد اتخذت قراراً أريدكم جميعاً أن تساعدوني عليه

لقد قررت أن أتنحّى تماماً و نهائياً عن أي منصبٍ رسمي و أي دورٍ سياسي

و أن أعود إلى صفوف الجماهير أؤدي معها واجبي كأي مواطنٍ عاديّ

و أتفرج على الحوسة اللي وقّعت فيها إخواني المدونين

(ضحكة شريرة)

الجماهير: تيييت تيييت لا تتنحّى

************************

التشكيلة الوزارية

----------

رئيس الوزراء

الباحث عن الحقيقة

-----
وزير الثقافة

صاحب المضيفة

-----
وزير الإعلام و الاتصالات ( هي وزارة واحدة )

أحمد الصباغ

-----
وزير التعليم

بت خيخة و أي كلام

-----
وزير البحث العلمي

مذكرات عيل مصري

-----
وزير الجامع الكبير ( زى شيخ الأزهر كده )

الطائر الحزين

-----

وزير الخارجية

قبلة الحياة

-----

وزير الداخلية

رئيس جمهورية نفسه

-----

وزير الهجوم ( و الدفاع إذا لزم الأمر )

Desert cat

-----

وزير الإسكان و التعمير

مهندس مصري

-----

وزير الشئون الاجتماعية

أنين الحزن

---------------------

اعذرني بقى يا ابن حُجيجير مش هقدر أزوّد وزارات أكتر من كده أصل علاقاتي التدوينية قليلة و مش هعرف أحط حد زيادة

9 comments:

الـسـيـدة نـون said...

هههههههههههههههههههههههههه
انا ملاحظة ان اغلب الناس اللى اتبعتلهم التاج ده اختارونى علشان امسك التعليم
والله مش عارفة ايه سر الاجماع عليا انى امسك التعليك انا كنت بقول امسك وزارة التموين قسم شكولاتة
بعد اذنك يا نيجرو يعنى ده لو المكان ده لسة محدش مسكه
تحياتى ليك
هههههههههههههههههههههه
بس تعالى هنا
هو انت تعرف حكاية تيييييت تيييييت لا تتنحى
اصل الحكاية دى قديمة اوى

تحياتى ليك يا نيجرو
على فكرة حكاية حب صغنونة لست انا المعنية بيها كان نفسى افرحك بس معلش طلعت اوت المرة دى
سلام
اختك خيخة

Desert cat said...

انا وزيرة الهجوم ( و الدفاع إذا لزم الأمر )
ومش خايف على الشعب
ده انا لسانى متبرى منى وبفضل الطش فى الكلام وبعدها تطلب زى ما تطلب
هههههههههههههههههههههههههه
عموما يا يزن ما اخترت للوزارة بصراحة

ميّويه said...

ههههههه
حلو أوي التاج دة
جديد من نوعه

"بت خيخة وأي كلام" وزيرة التعليم
يللا بقي ظبطتينا بالله عليكي عشان اللي احنا فيه دة
الغي الثانوية العامة خالص

آخر العنقود said...

مع انى مش فى التشكيلة الوزارية دى
بس مش مششششششششكلة
بس اللى انا اعرفهم من اللى اتقالوا اعتقد انهم مناسبيييييييين
****************

كنت عايزة اعلق بس على ردودك فى البوست اللى فات
انا بجد بحيييك جدااااااااا على موقفك واسلوبك الراقى فى التفكير بهذا المنطق
مش عارفة هتغيير فكرتى فى ان فى حد ممكن يكون بيفكر بالطريقة دى
انا فعلا بفرح جدا لما الاقى التفكير ده بقى موجود وبينتشر كده
بجد يانيجرو اتبسط جدااااااا من ردودك وتفكيرك
بس ده بيحصل فى حالة واحدة بس
لو كنا فعلا بنحب بببببببببببببببجد
تحياتى ليك يانيجرو

وخلاص ابقى احجزلى كرسى هنا بقى
:)

Eman Eltaher said...

يا خبببببببببببببببببببر
اسمى مش موجود !!!!!!!!!!! هههههههههه

توء توء توء
امال فين وزيرة الافتكاسات ؟؟؟؟؟؟؟؟

ما انا موجودة
:)

ابو صهيب ( الجمعاوي الاصيل)سابقاً said...

بصراحو وبكل وضوح اختيارات موفقة جداً

والريس مبسوط منك وبيقولك متجيش بكره

هههههههههههههههههههههه

انين الحزن said...

محمد
انا وزير الشئون الاجتماعيه

يعني شغلتي ايه بقه وهاخد مرتب كام
هما بتوع الشئون الاجتماعيه دول بيعملو ايه اصلن
انا هابقي وزير فاشل اوي زي عبدالجليل الا كان مع فرنسا كدا
بوظلها الدنيا
سلامووووووووووز
وزة

shirry said...

جحامدة اوي الاختيارات دي
يلا ميضرش
شوفو هتعملوا انقلاب امتي
علشان يحصل تغييير
بقي
وكل واحد يعمل بمرتبه
وبلاش نفسنة

nigro said...

بت خيخة و أي كلام
=============
عارقة يا نونا
و زارة التعليم دي هي أهم وزارة في أي وزارة
التعليم يعني الحياة يعني النور
بحس في طريقة تربيتك لشريف انك ام رائعة اوي
الوزارة دي ما ينفعش ليها غير نوران الشاملي
فيه وزارة تانية هنخترعهالك مخصوص
وزارة الإشتغالات
-----------------------------------
desert cat
==========
يا كبير الوزارة دي ما ينفعش ليها غيرك
اللي يدوسلك على طرف يبقى وقعته بتجاني محروق
-----------------------------------
ميّوية
====
يلا يا مي اتصرفي انت مع نوران بقى
ربنا يوفقك يا رب و يعينك على الثانوية العامية دي
مش بقولك احتليتي النت من شيمي
-----------------------------------
آخر العنقود
==========
المشكلة اني لسه ما اتعرفتش عليكي كويس ولسه ما قريتش موضوعات مدونتك كلها و لسه ما عرفتش دماغك متوجهة ازاي
علشان كده ما عرفتش أنقّيلك وزارة
و بعدين تعالي هنا
انت كل مرة هتدخلي تحرجيني بكلامك اللي زي السكر ده
أنا مش قد الكلام الحلو ده
و بالنسبة للكرسي
فرشنالك أوضة بحالها
وقت ما تشرفيني.. تحت أمرك
-----------------------------------
eman eltaher
===========
خلاص يا إيمي ولا تزعلي نمسكك وزارة الإفتكاسات
احنا نقدر نزعلك
ده اسمك على اسم الغالي
-----------------------------------
الجمعاوي الأصيل
============
منورني يا افندم
قول للريس مفيناش من كده
أنا مش هاخد اقل من عشين جنيه في الشغلانة دي
و كده كده أنا مكنتش جاي بكره
أنا دماغي ونّت
-----------------------------------
أنين الحزن
=======
و الله يا وزة أنا مش عارف الوزارة دي بتعمل إيه تحديداً يعني
انما لقيت اسمها حنين كده
أصل انت ما ينفعش تمسكي وزارة مكعبرة
مش علشان مش هتسدّي فيها
يا باشا انت تسد في أي حاجة
انما انت يلزمك وزارة الأمومة و الطفولة.. وزارة قلوب بتحبك ..حاجة كده
أصلك طيييييييييييييييييييييييييبة أوي يا وزووزة
سلاموووووزات يا عسولة
-----------------------------------
shirry
=====
عندك ابن حجر الرئيس ممكن تروحي تسأليه
أنا قررت أن أتنحى
ولا انت ما أخدتيش بالك