عاد يعودُ عوداً فهو عائد.. ده اللي هو أنا
رجع يرجعُ رجوعاً فهو راجع .. ده اللي هو أنا برده
اشتاق يشتاقُ اشتياقاً فهو مشتاق .. آه آه أنا
وَحَش يوحشُ وحشةً فهو ... إيه؟.. وحش!! .. إيه وحش دي؟!!
وحشتووووووني جدن جدن جدن
لأ ... جداً جداً جداً
تاني مرة أحس إن الأيام تقيييلة كده
و أول مرة أعرف إني بقيت متعلق بيكم قوي كده
يا رب خير
بجد وحشتوني و وحشتني مدوناتكم و وحشني كلامكم
كلكم كلكم كلكم
شكراً لكل اللي كانوا بيطلّوا عليا كل شوية
شكراً لكل واحد دعالي من قلبه
و أخص بالذكر و أعني
نوران الشاملي اللي عاوز أقولّها بجد إنها أجدع بني آدم مؤنث عرفته في حياتي
و رندا و فاتيما و عزة و الضيفة الجديدة واحدة مفروسة
و حبيب قلبي الغالي الريس محمود فاوي
الناس اللي خلّتني أحس إن ليا صحاب بجد بيحبوني أو على أقل تقدير بيعبّروني
شكراً ليكم كلكم
أعلنت اشارات ضبط الوقت إن الامتحانات انتهت
على خير و الحمد لله
بس لسه باقي مشروع التخرج .. علشان مناقشته هتبقى الشهر الجاي بإذن الله
يا رب خير
و لذا
فلتبدأ من جديد الحياة التدوينية
و لتبدأ الجولة المكّوكية على مدونات حبايبي المدوناتية
Ready … Steady … Go
19 comments:
طيب ما كنت قلت وكنت اديتك رقم البطاقه كمان يا سيدى منزل الاسم محمود فاوى لا جدع
المهم منور يا باشا وحمد لله على السلامه ها انت قد عدت الى قواعدك سالما وبالتوفيق يارب وربنا يديك اكتر من تعبك ان شاء الله علشان انا مش عارف انت تعبت قد اية
ياهلاااااا
خلصت الامتحنات..طيب الحمد لله
بس هيه خلصت بسرعه ليه خير ؟
اقصد بركه انها خلصت بسرعه
هههههههههههههه
حبيب قلبى اخويا الصغنن نيجرو
ياخراااااااااابى
ده انت كنت واحشنى مووووووت
وكانت عنيا فرحانة وانا بقرا تعليقك عندى
الف حمدالله على رجوعك يا نيجرو
ومنور مدونتك ومنور مدوناتنا بزياراتك
ويارب دايما كدة تكون معانا ومتغيبش عنا ابدا غير فى كل خير دايما
طمنى عليك يا نيجرو عملت ايه فى الامتحانات
واخبار مشروع التخرج ايه
يارب قريب اقرا البوست اللى بتقولنا فيه انك نجحت وجبت تقدير عالى
بجد يا واد يا نيجرو ليك وحشة جامدة جدا
ربنا مايحرمناش منك ابدا
انا مبسوطة جدا
هيييييييه نيجرو رجع يا ولاااااااااااد
ربنا يفرح قلبك ويسعدك دايما يا نيجرو
تحياتى ليك
اختك خيخة
الف مبروك على تخليص الامتحانات
ويارب النتيجة تكون جميلة عودا حميدا
تحياتى لكى
نيجروووو
حمدلله على السلامة يا أخى الصغير
الحمدلله فى الأمتحانات ؟؟
طييييب
عقبال المشروع و بإمتياز يا رب
قدها و قدود
و عيب لما تكتب الكلام دا دنا حاسة إنى مقصرة فى حقك و كان لازم أدخل كل يوم بس نوران قامت بالواجب عننا كلنا و ساعات كتير إحنا اللى بنبقى خيخة جنبها
العود نيجرو
و فى شوق لبوستاتك و تعليقاتك االلى كلها طيبة و حنان الأخ
تحياتى يا نيجرووووووو
افراج يا راجل
حمد لله على السلامة
طب بصرة بقى
لانى انا كمان خلصت
اشتغالات قصدى امتحانات
ومبروك النتيجة مقدما
يالهوى دة انا دخلت بالاكونت التانى
يلا حصل خير
على فكرة اللى فوق دى تبقى انا برضة بس عاملة بطاقة مزورة
عودٌ أحمد
حمدلله ع السلااامة
كفاارة يارااجل
عقبال النتيجة ياارب وتجيب اعلاها تقديير
تحياااتى
اة انت بتقول ان الدستور صديقك
بتتابع ضربة شمس بقى؟؟؟
لو متابعها تبقى اكييد تعرفنى
دودى
مش ممكن 8 ردود وانا مش واخدة بالى
انا اول لما شوفت تعليق عندى ولا قريت حاجة لاعندك ولا عندى
انا قلت لازم اجى اقولك حمد الله على السلامة
ويارب يكون فرحان وسعيد قوى
حمد الله على السلامة
اتارى كل البلوجر نور وكل المدونات نورت وكل الدنيا هللت
اخبار الامتحان اية كلة فى التمام
يارب يطمنى عليك يااااااااارب
هروح بقى اقرا وارجع ارد تانى
اصل من هول المفاجاة مش قريت اى حاجة ههههه
سلام يااجمل باشمهندس
رندا
Happy Birthday to you too
حمد الله على السلامة
انا كمان افتقدتك الفترة اللى فاتت دى
بس كنت عارفه انك مشغول
هههههههه
بتسأل عن مدونة زهرة الكاميليا؟؟
المدونة اتمسحت من اكتر من شهر
ومش تفكرنى لانى الى الان حزينة جدا عليها
نورت التدوين
ومش تغيب تانى بقى
بتوحشنا
تحياتى لاخى العزيز
قوى قوى قوى
نيجرو لو فى اخ حيزعل من اخوه يبقى انا زعلت منك والله انا مش زعلان انا كنت بهزر بس يا غالى واتاخرت فى الرد لسبب انى انشغلت فى تجهيزات السفر الى جه على غفلة ده
حمد لله على سلامتك مرة تانى
حمد لله على السلامه يا راجل ايوه كده كملوا رابطه المحله الكبرى انت وابو حنف وواحد جديد حمدلله على السلامه عاوزين بيبسى بقى فى النجاح نورت بلوج سبوت واخواته
حمد الله على السلامه ....نام ينام نوم فهو قد انتهى من امتحاناته
تحياتى ليك سومه_87
ردى على كلماتك عندى
...............
المهندس الدكتور القايمقام
نيجروا
ههههههههههه
تنتحر الاحرف امام كلماتك يااجمل الاصحاب
وتقهقرت امام بلوغ جمال تعبيراتك واصبحت تهاب
فكيف تخرج كلماتى فامامك تلاقى الصعاب
وجعلتنى اجول بصاروخ مدونتى فوق السحاب
فغيابك عن عالم المدونين كان اكبر عقاب
فرجعوك اصبح العطر على كل باب
فسلام كبير مغموس بعنبر وريحان ياابو الشباب
لو الغيبة طالت اكتر كانت ضاع فيها رقاب
هههههه
اتصق انا من كتر فرحتى برجوعك
مش عارفة اقول ولا كلمة
بعد كلامك الروعة
حمد الله على سلامة الوصول
الى ارض المدونين
الى الارض التى تتكلم بلغة الاخوة الجميلة ولن يفهمها غير من هم ارق واعذب القلوب
نجروا نورت جدااااا
دمت بكل نجاح
ياااااااااااااااااااااااااااااااااا
شكلي وووووووووووووووووحش
ومش هقولك انت زعلان ليه؟؟لانى بصراحة عارفة
ده ايه الاحراج ده بس يانيجرو
:(
بس بجد بجد حمدلله على السلامة وكفاااااااااااارة ياراجل
ويارب موفق باذن الله يارب ونيجي نشرب الحاجة الساقع والسخن وناكل كمان قريب
ااااااااااه طمع بقى عشان اصالحك
:)))
بس عجبنى اوى فكرة كتابتك للبوست يانيجرو وضحكت عليه قوى
وربنا يكرمك يارب على تعليقك عندى اللى بجد ماصدقتش لما شوفته
وعلى رايك بقى
حد يزعل من اخر العنقود؟؟
هههههههههههههه
ربنا يوفقك يانيجرو يارب
والف الف حمدلله على سلامتك
وفى انتظار بوستاتك
دمت بخير وسعادة
وحليب يالبن بقى
:)
عاد يعود عودا فهو متعود
تحياتى باطيب المنى
هنى يهنى تهنئة فهو مهنّى اهنيك على العودة للتدوين ومستنيين البوستات الجديدة على نار ومتحرمناش من زياراتك المتكررة
وعلى فكرة احنا بننظم لقاء لمدونى الدقهلية والمحافظات القريبة منها فيا ريت تشرفنا والتفاصيل على الفيس بوك فى جروب مدونى الدقهلية dk-blogger
http://www.facebook.com/home.php?#/group.php?gid=18252776335
اولا حمدلله على السلامة
ويارب بالتوفيق والنجاح
وانا اللى مقصر معاك
بس انا عارف ان عندك امتحانات
ويا عم انت عمرك ما تتنسى يا باشا انا لسه كنت فى سيرتك امبارح مع وزة
وهى بتسلم عليك قوى قوى
وبتقولك يا رب يوفقك
المهم انا ايميلى kh_cyc2006@hotmail.com
لو ينفع تكلمنى على الماسنجر يبقى شاكر فضلك
خالد
ماشى يا نجرو ... بقى انت حارمنى الفترة دى كلها من المدونة العسل دى
على العموم ملحوقة ياعم ... هههههههه مبروك انك خلصت امتحانات وحشتنى ياراجل
Post a Comment