Wednesday 19 March 2008

حمااااااارن

عمرك حسيت إن انت حمار ؟

( بلاش انت دي لحسن حد يزعل )

طيب عمرك حسيت ان أنا حمار ؟

( في دي بقى أنا مش هزعل لاني اكتشفت ان أنا طِلعت أكبر حمار في العالم )

انك تتعامل مع حد و تراعيه و تحبه وتقدره و تحترمه و تحافظ عليه و تنفذ طلباته منك و تحترم رغباته و تحافظ على أسراره و لو غلط تتقبل أعذاره

و في الآخر تكتشف انه طول الفترة اللي انت عمّال تعمل فيها كل اللي فات ده.. انه كان بيعمل معاك العكس تماماً

تماماً

يبقى أنا إيه؟

أيوه .. شُطّار

حمااااااارن

20 comments:

آخر العنقود said...

اووووووووووول تعليق

لالالا دى تانى مرة
انا عاوزة جايزة بقى
:)

هقرا وارجع

آخر العنقود said...

ياااااااا يانيجرو

بس انا مش معاك فانك توصف نفسك كده
لان انا شايفة انها طيبة قلب وحب للناس والخير
مش معنى انى الواحد اتصدم فى حد كان بيخلص معاه فى كل تعاملاته انه يكون كده زى مابتقول

لا بجد مش شرط
انا ممكن اقولك ان التانى هوه اللى حمار عشان ماقدرش يقدر ويفهم الحب والاخلاص ده

واووووووعى يانيجرو عشان موقف زى ده
انك تبطل تتعامل بحب واخلاص
العيب مش فيك
العيب فى اللى ما قدرش ده

مش عارفة اقول ايه تانى
لبوست بسييييط بس يتكتي فيه كتير فعلا

تحياتى ليك ياباشمهندس ياشاطر زى ما بتحلم تكون
:)
ويارب تحقق كل اللى نفسك فيه

خد بالك ان تانى تعليق كماااااااااان
يعنى تتوصى فى الجايزة
:)
تحياتى ليك ولشخصك يامحمد

بطوط حبوب said...

لا
يبقى قلبك ابيض وكبييييييييير ولازم تفتتخر بكده
تبقى انسان والى خسرك يبقى اكتر من حمار

الـسـيـدة نـون said...

يا خرابى
يا خرابى
يا خرابى
وحياة شريف ابنى
انا كنت كاتبة حاجة كدة بنفس المعنى اللى انت تقصده
وكنت مسمياها
طلعت حمارة
ولحد هذه اللحظة البتاعة دى مسيفاها عندى على الجهاز ومش عايزة انشرها
لانى لو نشرتهاهفتكر حاجات كتير اوى
مش عايزة افتكرها
اهه انت كدة فكرتنى بلحظات كنت عايزة اهرب منها
ومش عايزة افتكر ان انا فى يوم من الايام طلعت حمارة
يعنى عادى ماتزعلش
مش انت لوحدك يا نيجرو

سلام
اختك خيخة

الـسـيـدة نـون said...

عارف لما تلاقى كل الناس بتضحك عليك وعمالين يشاورو بايديهم عليك ومش قادرين يكتموا الضحك ولما تبص على اللى هما بيشاورا عليه تلاقى ان حد مركبلك ديل من ورق المناديل او قشر البرتقال وانت مش واخد بالك
ولما تسأل مين اللى ركبلك الديل ده وتكتشف ان اقرب الناس اليك هو اللى ركبهولك
اقرب الناس اليك اللى المفروض انه يحافظ عليك ويبعد عنك الاذى هو اللى ركبهولك
اقرب الناس اليك اللى المفروض يحافظ على كرامتك هو اللى ركبهولك
اقرب الناس اليك اللى كنت زى ما انت قلت بتراعيه وبتحافظ على اسراره وبتحترمه وبتقدره وتحفظ غيبته
هو اللى راكبلك الديل ده
اااااااااااااااااااه
ده انا موجوعة اوى
ليه كدة يانيجرو
ليه البوست اللى قلب عليا المواجع ده
ليه البوست اللى فكرنى بمدى حموريتى ومدى خيخنتى
انا مش شايفة من دموعى
يا نيجرو ما كان خلاص
ماكنت خلاص ضحكت على نفسى وقلت ان انا مش حمارة
ليه فكرتنى يا نيجرو
ده انا دافنة البتاعة اللى انا كاتباها علشان مش عايزة افتكر
تقوم انت تنشر البوست ده
ياااااااااااه
ده انا كنت متقرطسة اوى
ده انا طلعت حمارة

الـسـيـدة نـون said...

لا يا نيجرو
متشيلهوش
خليه
علشان افتكر دايما انى اخد بالى وانى ابص كل شوية اشوف هو حد ركبلى الديل ولا لسة
شكرا ليك اوى يا نيجرو على اهتمامك ده
ربنا يخليك يارب
اختك خيخة

فضفضة said...

نيجرووووووو

اية الغم ده لازم تفكرنا بالديل يعنى

دالواحد حط عليه فيونكة عشان ينسي

عموما بالنسبة لى

انا شايفة ان اللى انت كاتبه ده

يدل على جحش صغنن

لكن على اللى جرى لى

انا يا ابنى

حمااااااااارة حصااااااوى

ورغم انى معرفشي اية الفرق بين الحمار العادى والحصاوى

الا ان الحصاوى ده شكله حمار جاموسة يعنى

مش حمار عادى

بس عااااااادى خالص

لسة ماسكة فى نفسي

وهفضل ماسكة فى نفسي

وهمشي بكل اباء وتاء وثاء

واقول انا بكيناه وانا ماسكة فى نفسي

قصدى فضفضة
تحيااااااتى يا بوب

~ISLAM~ said...

متشيلش فى نفسك اوى كده
ومتندمش على حاجه مفيش حاجه تستاهل يا عمونا
الحمار هو اللى يبيع اكتر حد كان قريب منه
تحياتى ليك يا نيجرو

مروة الزارع said...

اهدى بس كدة

لا مش حمار ولا حاجة

هقولك لية

انا حسيت نفس احساسك قبل كدة طبعا كتير

ومن كتر ما انا عشتة ودانى طولت

بس اكتشفت اية

ان الشخص التانى هو اللى حمار

عشان خسر حد كان فعلا بيحبة وبيخاف علية

تحيااااااااااتى ليك

:))

زى الهوا said...

الطيب فى الزمان دا ياعينى مالوش مكان , (وش حزين على الزمان اللى اتشقلب)

مواطن مصرى نايم said...

ضفنى لقبيله الحمير
لانى طلعت حمار كتيييييييييير قبل كده
بس اخر مرة استحمرونى فيها كانت من قريب
و قررت اتغيير
ايوة اتغيير
ابقى حصان يعنى
لان انت لو بتعمل حاجه زى اللى انت بتقولها دى فى البوست
و اتصدمت فى الشخص اللى انت بتعمله الحاجه دى
يبقى مش انت و لا انا اللى حمار
دا هو اكبر حمااااااااااار

رئيس جمهوريه نفسى said...

مرحبا بك فى نادى الحمير اسف بس انا سبقتك ويوم ما فكر يبعنى الحمار بعنى علشان حاجه ما تستهلش عادى يا مان بس دور اكيد حتلاقى الى بيعزك بجد

Maryama Qandil said...

salam alikom...


على فكرة بلاش كلمة حمار دي (وصفة بيطري بقى :d ) عشان تشبيه مش ظريف

مهما كانت الاسباب الي اكتشفنا ان احنا مغفلين بس بلا التشبيه ده
لان عندنا عقل نميز بيه عن الحمار الي ملهوش ذنب وسيرته بتتجاب على كل لساان...:D

صدقني مفيش حد يستااهل اهتمااام من حد
اولي اهتمامك لربك ولدينك ونفسك وعام الاخرين زي ما بعااموك

او كبر دماااغك عن كل حااجة تزعلك

والدنيا لسه جااية...
والصاحب الي ملوش لزمة اديله بالجاازمة...:D

كر واستعن بالله... وربنا معااك ياارب

انين الحزن said...

نيجرو

ازيك ليك واحشه بجد

عارف انا كمان نفس احساسك كدا بالظبط

مش انت لوحدك يامحمد عارف وانا بقرا البوست حاسه اني انا الا بتكلم بتقول كل حرف جوايا

بس عارف كويس انك فكرتني

...........
اسفه علي التاخير بسبس ظروف نفسوية مش نتويه
سلامووووووووووووووز
وزة

nigro said...

آخر العنقود
============
الموقف كان وحش قوي
وصف ان انا طلعت حمار كان اقل بكتير من احساسي و انا عمال أسمع في الكلام اللي كان بيتقال عني
و أنا عمال أسمع في الكلام اللي المفروض انه ماكنش يطلع بره اتنين
و بسمع الكلام ده من مين؟
من واحد كانت كل علاقتي بيه.. سلام عليكم.. و عليكم السلام
اتضحلي ان كل اللي كان بينا كان بيتسرب
و أنا زي الأهبل.. كنت بضبش في أي حد كان يحاول يسألني عن أي حاجة بيني و بينه
الموقف كان وحش قوي
قوي يا آخر العنقود
بس ما تقلقيش.. الحمار بيفضل طول عمره حمار
هيعامل الناس زي ماهو شايف ان ده هو الصح
رغم ان فيه احتمال كبير جدا انه يتوجع تاني و تالت و عاشر
بس إيه؟.. حمار بقى
***********
أكيد بعد الرغي ده كله نست الجايزة.. الحمد لله
-----------------------------------
بطبوط حبحوب
===========
الله يخليك يا حوده على كلامك
يا باشا ده انت اللي قلبك طيب و زي السكر
-----------------------------------
بت خيخة و أي كلام
===============
تعالي هنا يا ست هانم
ينفع كده؟
ينفع الكلام اللي انت كتبتيه ده؟
و الله أنا كنت هاحذف البوست ده من كلامك
ده أنا كنت عمال اقرا كلامك و مش عارف آخد نفَسي
أرد عليكي ازاي أنا دلوقتي؟
ماشي يا نونا
كده؟
الله يسامحك
-----------------------------------
فضفضة
====
و الله انت شكلكم على بعض كده عيلة
زي السكر
جحش ضغنن

حمار جاموسة يعني

اباء وتاء وثاء

و أنا بكيناه و أنا ماسكة في نفسي

(((:
ده أنا نسيت أنا كنت كاتب البوست عن إيه؟
-----------------------------------
7akawena
=======
يا عزيزي حكاوينا
انا شعاري في الحياة
ان الندم في علاقتنا مع البشر احساس خايب و مفيش وراه غير المتاعب
أنا مش ندمان
أنا زعلان
على نفسي
شرفتني زيارتك يا مان
-----------------------------------
مروة الزارع
==========
ما اللي يضايق بقى يا مروة ان الشخص التاني ولاااااااااا في دماغه
الواحد بس هو اللي عمال يقول الكلمتين دول علشان يصبر نفسه
نورتيني في زيارتك الأولى يا ومان
-----------------------------------
زي الهوا
=====
كلمتين وبس
خير الكلام ما قل و دل
دي كلمات أغنية دي ولا إيه؟
يا مرحبا بكِِ
-----------------------------------
مواطن مصري نايم
=============
هقولك إيه؟.. ما انت لسه نايم
الحمير دلوقت بقى ليهم دولة مستقلة و ذات سيادة حمورية
و الستور الحميري بيكفل لكل حمار حقه في انه يفضل طول عمره حمار
إيه البوست البيطري ده؟
-----------------------------------
رئيس جمهورية نفسي
==============
سيبك انت يا ريس من البوست و الحمير و نادي الحمير اللي بتقول عليه ده
كفاية زيارتك انت يا متر
الناس دي يا خويا ما بتحسش
باللي بيحبهم بجد و اللي بيخاف عليهم بجد
حسبنا الله و نعم الوكيل
-----------------------------------
rooma
====
طيب أقول إيه بدل كلمة حمار؟
حصان
والله زي ما بتقولي كده أنا حاسس اني ظالم الحمارمعايا
بس على فكرة أنا جزئيا مش متفق معاكي
يعني إيه مفيش حد يستاهل اهتمام من حد
لا.. أكيد فيه.. و كتير كمان.. بس يمكن انت مش واخده بالك
و على فكرة أنا من أكتر عشر رجال في الدلتا بكبروا دماغهم عن اللي بيزعلهم
بس أنا زي ما قلت زعلان على نفسي مش من نفسي
لاني ماعملتش حاجة غلط.. أنا عملت الصح.. و هفضل أعمل الصح ان شاء الله
أسعدتني زيارتك الأولي و رأيك اللي وضحلي رأيي
-----------------------------------
أنين الحزن
=======
المفروض ان أنا كده أبقى اطمنت عليكي يعني ولا إيه؟
انت قلقتيني أكتر
و أنا كنت خايف من كده بصراحة
فيه إيه؟
أنا كده قلقت أكتر من الأول

المتمردة said...

لا يجدع متقولش ع نفسك كدة عيييب ..المهم انك تتعلم مش تكتشف انك ......

دكتورة سنان said...

لا بعد الشر عليك ياعم
متزعلش نفسك
حاجات بتحصل كللللل يوم اصلا ومش انت اللى غلطان
الطيبه مش عيب خالص

Desert cat said...

لاء يا فندم
يبقى هو اللى انسان قليل الاصل
وانت جزائك عند ربنا خير ان شاء الله

Empress appy said...

ههههههههههه بجد
انا مش بضحك عليك اصلى اكتشفت انى زيك ههههههههههههههه
بس مش حمار دى طيبه ونظافه ومبدأ انعدم فى الايام دى بين الناس بس

nigro said...

فنانة تحت الأنقاض
==============
أعترف اني اتعلمت
بس الدرس كان صعب قوي
قوي
-----------------------------------
نوسة
===
مش كده برده
-----------------------------------
desert cat
==========
إيه يا أفندم دي؟
بقى أنا أقول حمار و انت تقولي يا أفندم
ولا يكونش قصدك حمار أفندم؟
-----------------------------------
appy
===
يا سلام عليكي يا آبي
و فرحانة قوي كده ليه
هي طلعت حاجة حلوة و أنا معرفش
خلاص بقى مابدّيهاش
هههههههههه