السلام عليكم
أهلي بعد أهلي الأصليين
ادعولي يا جماعة
مش عارف كده.. حاسس اني فيه تسعتلاف حاجة متكربسة فوق دماغي
أول مرة أحس بالهم
مخنوق جدا.. متضايق جدا.. خايف جدا
أنا عايش دلوقت سكرات التخرج من الكلية
آخر أيامي فيها
مش عارف مالها بقت صعبة كده
أول مرة أحس بصعوبة حاجة في حياتي
يمكن علشان أنا اللي بستهبل
بس خلاص هحاول أبطل استهبال.. و أستهدي بالله كده.. و هتعدّي
يمكن مش هقدر أتابع تدويناتكم الأيام اللي جاية
يمكن مش هقدر أنتظم اليومين اللي جايين دول في التدوين
بس كل لما ألاقي فرصة صغنونة كده.. هحاول أملص من اللي ورايا و لو ساعة
كل ما هتوحشوني هسيب اللي ورايا بجد و آجي أزوركم
مع انكم بجد بجد بجد دايما و احشنّي
قبل ما أستأذنكم في التوقف ( المؤقت.. بإذن الله)
عايز أقولكم أني بجد محتاج دعواتكم
مش هطوّل عليكم
السلام عليكم
8 comments:
ربنا معااااااااك ياااااارب وهتوحشنا جامد
رغم اننا برضه مطحونين ربنا يكملها بالستر يارب
ربنا يوفقك يانيجرو
هاااااااااانت ياباشمهندس
اهم حاجة انك قولت انك هتغيب
عشان القلق بس
وان شاء ترجع تلاقى المدونة زى الفل ماتقلقش
احا موجودين برده
:)
اتوكل على الله واعمل الي عليك وربنا هيوفقك
هدعيلك ما تخفش يا حبي
نحياتي
ربنا معاك يا رب بس زى ما قولت استهدى بالله
الغالى نيجرو
ما تمر به من الشعور بصعوبه الكليه وخلافه ده نتيجه طبيعيه وعاديه جدا ليه ااقولك ليه لانك وصلت لمرحله حصاد ما سبق ان زرعته فى سابق السنوات كلنا مرينا بتلك الفتره وان شاء الله انت قدها وحتعديها على خير اعملى الى عليك بس انت وسيب الباقى على ربنا وربنا يوفقك ان شاء الله
اخويا الصغنن نيجرو
ربنا يوفقك يارب يا نيجرو
وتتخرج ونفرح بيك
وطبعا دراستك اهم من المدونة دلوقتى
بس ده مايمنعش انك تطمنا عليك من وقت للتانى
ربنا معاك ويوفقك وينجحك بتفوق ان شاء الله
انا لسة ماقريتش بوست العراق هابقى اقراه واعلق عليه هناك
تحياتى ليك
وبجد بجد ليك وحشة
اختك خيخة
تحياتي ليك يا باشمهندس
وكلنا نتمنالك التوفيق دايما
ومش تقلق ان شاء الله هتعدي علي حير
وبعدين كلنا هنغيب اكيد الفتره الجايه
عشان الامتحانات مش انت لوحدك
تقبل مروري
نيجرو
خلى بالك بقى انت هتبدا مرحلة جديدة خلاص فى حياتك
شوف درست كام سنة ......جة الوقت اللى تطبق فية كل اللى درستة
ربنا معاك ويوفقك انشاء الله
Post a Comment