Wednesday, 1 June 2011

الفكرة

الفكرة مش عشان بس أنا عاوز ارجع للدنيا دي تاني .. اللي رجّعتني تاني للدنيا
ولا الفكرة في إني لما باراجع أيام زمان هنا و عند صحابنا الكتير اللي بعدْت و بعدوا بازعل قوي إن الحياة سرقتنا من هنا
الفكرة مش عشان بس اشتقتلكم قوي
الفكرة مش عشان نرجع نتلم سوا على نفس الترابيزة الي اتعودنا يومياً أو شبه يومياً في فترة زمان اننا نتلم عليها و احنا حابين بعض من غير ولا سبب
الفكرة مش عشان إني كنت متعود إني أكتب النهارده بالتحديد بوست عشان اسجل عند كل رأس سنة من عمري الشخصي أنا كنت بافكر إزاي وقتها و حاسس إزاي يوميها
الفكرة مش في ان الكتابة بس مجرد فضفضة و طق حنك و كلمتين حقنت فيهم كل احساس حلو أو وحش حسيت انك عاوز ترميه برا صدرك و ترتاح من حِمله
الفكرة مش عشان أنا الفنان الأدباتي اللي بيعرف إزاي يطلع كل اللي جواه بكلمتين سهل قوي يوصلوا لـ جوا أي حد
الفكرة إني مش باكتب علشان لازم أكتب
الفكرة .. إن مفيش فكرة أصلا
أنا عايز أكتب و خلاص

3 comments:

بسمة said...

انا عن نفسي عاجباني الفكرة

ღ أحاسيس آيـــوشـه ღ said...

مش وحش برضو انك تكون عايز تكتب وخلاص

nigro said...

بسمة
و أنا كمان :)


أحاسيس آيـوشـه
مين قال بس انه وحش
ده حلو جدا :)