Sunday, 10 February 2008

يا بلادي

يا بلادي يا أحلى البلاد يا بلادي

فداكِ أنا و الولاد يا بلادي

يــا بـلادي

يا حبيبتي يا مصر...يا مصر

***

ما شافش الأمل...في عيون الولاد و صبايا البلد

و لا شاف العمل...سهران في البلاد والعزم اتولد

و لا شاف الــنــيــل...في أحضان الشجر

ولا سمع مواويل...في ليالي القمر

أصله ما عداش على مـصــر

يا حبيبتي يا مصر

***

ما شافش الرجال السمر الشداد.. فوق كل المحن

ولا شاف العناد في عـيـون الـولاد و تحدي الزمن

ولا شاف اصرار...في عيون البشر

بـيـقـول أحـرار...ولازم نـنـتـصـر

أصله ما عداش على مصر

يا حبيبتي يا مصر...يا مصر

5 comments:

بت خيخة وأى كلام said...

تخيل انا كمان كنت بفكر اكتب الاغنية دى عندى فى المدونة بخصوص فوز مصر
وكمان لانى بحب الاغنية دى جدا جدا جدا
وبصراحة بزعل لما بيذعوها بس لما مصر تفوز فى كورة القدم
يعنى هما ماينفعش يذوعوها فى اوقات تانية
الاغنية دى اساسا وطنية جدا
ليه بيربطوها بالكورة وبس
زى مايكون معندناش انجازات تانية علشان يذيعوا فيها الاغنية دى

بس بجد تسلم ايدك
اختك خيخة

Nigro said...

الفرحة حلوة برده
و مش لازم تزعلي.. انت تحمدي ربنا انهم بيذيعوها اصلاً
و الأغنية دي بجد حالة غريبة لوحدها
و السيدة شادية كمان كانت متألقة فيها
و بالنسبة للإنجازات في العصر الحالي.. فبلاش نتكلم في الجزئية دي لحسن ما نعرفش نتكلم تاني خالص بعد كده" هيقطعولنا لسانا"
خلينا فرحانين أحسن
شرفتني زيارتك ليا يا اخت خيخة

~ شيمى ~ said...

لما اتذاعت الاغنية دى امبارح
ماما قالتلى كان زمان فى برنامج بيعمل كاريكاتيرات على الاغانى
فمرة رسموا اتوبيس وكان فاااضى خالص
وكاتبين تحته
"اصله ماعدّاش على مصر"!!!

Nigro said...

تقريباً كده يا شيمي أنا فاكر الكاريكاتير ده و البرنامج كمان
كان بييجي في رمضان أيام بوجي وطمطم الله يرحمهم
بس سيبك انت.. شوفتي الفرحة حلوة ازاي

~ شيمى ~ said...

انت حتقوللى دة انا نطيت من عالكرسى والله وساعة الجون دة عينك ما تشوف الا النور