Tuesday 12 February 2008

من فضلك لا تأتي الآن

عزيزي إحساس الحب...

أودُّ أُخبرك بأنني قد تألمت كثيراً من زيارتكَ لي

فأنت لم تكن أبداً معي ذلك الكائن الجميل الودود اللطيف الحقيقي

الذي طالما أدخل الراحة و السعادة والإشراق على كل من حلَّ عليهم

وقد كنت أحسبُك كذلك

و يبدو أن هذا كان هو سبب ألمي

فقد استأمنتُك على قلبي و عقلي و كل وجداني و تركتُك تحرّكهم بأصابعك كيفما شئت

و أنا الذي لم أكن أبداً ضعيفاً أمام أي شيء

فلماذا إذن ما فعلته بي؟!!

كنت تتلاعب بي بلا شفقة

تُسعدني حيناً و تُحزنني أحياناً أخرى

تُعطيني الأمل ثم تسرقه مني

تُحييني مرة و تقتلني مرَّاتٍ و مرَّات

أرهقتني قلباً و قالباً

كنتُ أظن أن هذا ليس إلا قسوة بريئة و غير مقصودة من حبيبٍ على حبيبه

و لكنني كنت مغفلاً أو إن شئت قُل غبياً

لم يكن هذا إلا تدريباً مكثفاً منك لي استعداداً لضربتك الكبرى القادمة القاسمة

كنتُ و لابد أن أفطن لهذا و لكن ماذا تفعل لحُسن النيَّة

و الآن بعد ما فعلت فعلتك –عذراً-الشيطانية

أودُّ أن أخبرك أنك قد نجحت و بتفوق في تمزيق أحلامي و زعزعة ثقتي فيك و في نفسي و في قلبي

لم أعد ذلك الفتى المُحِب لك.. المتشوق لمقابلتك

أنا –الآن- مازلت أتعافى مما سببته لي من جرحٍ لا أعلم متى يندمل

عزيزي إحساس الحب

في داخلي- لا أعلم لماذا- مازال يتواجد شعور بأنك لست كذلك

و أن تلك الفَعلة لم تكن إلا خروجاً مؤقتاً منك عن المألوف

لا أعلم هل كنت بذلك تصحّح بعض مفاهيمي عن هذه الدنيا ؟

هل كنت تريد مني أن أظل على ما كنت عليه من عقلانية مُملة ؟

لا أعلم

ولكن ما أعلمه جيداً أن لكلٍ منا قصة حب في جعبة الزمن

و في النهاية عندي مطلب واحد أرجو أن تُلبّيه لي بما تملكه من رحمة

عزيزي إحساس الحب.. من فضلك لا تأتي الآن.

6 comments:

أم أحمد المصرية said...

عزيزي nigro
اثر في جدا كلامك لنفسك و اسمح لي اقولك من خبرتي ان الحب اللي بجد مش هو حب الشباب في الجامعة اللي في الغالب بينتهي بصدمة و جرح افتكر الكلام ده لما يبقي عندك 35 و لا اربعين سنة و تكون ساعتها لقيت الحب اللي بجداللي بيزيد سنةو را سنة و بيكون التعبير عنه بين الطرفين اكر هدوءا لكنهم يعلمون قد ايه كل واحد فيهم بيحب التاني ساعتها حتقرأ اللي انت كتبته الان و تبتسم علي الدكريات اسال مجرب:)

الـسـيـدة نـون said...

طب ما انت تستاهل
فى حد يعمل عملتك السودا دى
فى حد يسلم القط مفتاح الكرار
اهه جت فوق دماغك يا حلو
والحب لعب الدنيئة معاك
استحمل بقى
هو انت لسة شوفت حاجة
سلام
اختك خيخة

أخـت فـى الله said...

جميل الكلام فى الحب
لكن الاجمل انه يتحس
والاجمل والاجمل انك تلاقى حد يستاهل الحب دة

nigro said...

أم أحمد المصرية
أنا في اعتقادي إن الحب دا ملهوش ميعاد
لأني كنت ياما بعيب على صحابي لما ألاقي كل واحد فيهم بيقولي إنه بيحب البنت الفلانية
بس أهو أديني طبّيت لحد ما اتكفيت على وشّي
و أخدت الرزع التمام
و حاسس برده إن كلامك دا هيتحقق في المستقبل
ربنا يدينا طولة العمر
-----------------------
بت خيخة و أي كلام
كفاية كده
هو أنا لسه هشوف حاجة تانية
دا الحب دا طلع حاجة أيّا خالص يا نورا
-----------------------
شيمي
يا رب ياختي يارب
-----------------------
desert cat
شكراً على كلامك الجميل
و يسمع من بقك ربنا
بقولك.. معندكوش حاجة سيامي كده تنفعني
شكراً لمرورك الكريم

الـسـيـدة نـون said...

يقول شكوكو
الحب بهدله خلانى قندله
المهم
بقولك ايه يا واد يا نيجرو يا اخويا
هو ايه لزمة المدونة التانية اللى اسمها فراشة
انا بكره ام المدونات الكتيرة اللى بتبقى لشخص واحد
الا صحيح
هو الواحد يعمل مدونة تانية ليه ازاى
اصل انا عايزة اعمل واحدة تانية
نيهاهاهاهاهاع
سلام
اختك خيخة

nigro said...

بت خيخة و أي كلام
المدونة التانية ممكن تعتبريها حقل تجارب
بما إني لسه مدون صغنون
بشوف في المدونات التانية حاجات بتعجبني و ببقى عايز أجربها
فعملت المدونة دي علشان كده
و على فكرة أنا خلاص حذفتها
لحسن تشبهني ولا حاجة